കൊച്ചി:എറണാകുളം-അങ്കമാലി അതിരൂപതയിൽ നിലനിൽക്കുന്ന ഭൂമി ഇടപാടു പ്രശ്നങ്ങളെക്കുറിച്ച് പഠിക്കാനും പരിഹാരം കാണുവാനും മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരിയുടെ അധ്യക്ഷതയിൽ നടക്കുന്ന സീറോ മലബാർ സഭാ സിനഡ് കമ്മിറ്റിയെ നിയോഗിച്ചു. കമ്മിറ്റിയുടെ കൺവീനർ ആയി ആർച്ച്ബിഷപ് മാർ മാത്യു മൂലക്കാട്ടിനെ നിയോഗിച്ചു.
എത്രയും പെട്ടെന്ന് വിഷയത്തെ കുറിച്ച് പഠിച്ച് ആവശ്യമായ ചർച്ചകൾ നടത്തി പരിഹാരം കണ്ടെത്തുവാൻ സിനഡ് കമ്മിറ്റിയോട് ആവശ്യപ്പെട്ടു. ബിഷപ്പുമാരായ മാർ ജേക്കബ് മനത്തോടത്ത്, മാർ തോമസ് ചക്യത്ത്, മാർ ജോർജ് മഠത്തിക്കണ്ടത്തിൽ, മാർ ആന്റണി കരിയിൽ എന്നിവരാണു കമ്മിറ്റിയിലെ മറ്റ് അംഗങ്ങൾ. സീറോ മലബാർ സഭാ സിനഡ് 13നു സമാപിക്കും