അടുക്കളത്തോട്ട വ്യാപനപദ്ധതിയുമായി കെ.എസ്.എസ്.എസ്

വിഷരഹിത പച്ചക്കറികളുടെ ഉല്‍പാദനത്തോടൊപ്പം ഭക്ഷ്യസുരക്ഷിതത്വവും ഉറപ്പു വരുത്താന്‍ അടുക്കളത്തോട്ടങ്ങള്‍ വഴിയൊരുക്കുമെന്ന് കോട്ടയം അതിരൂപത മെത്രാപ്പോലിത്ത മാര്‍ മാത്യു മൂലക്കാട്ട്. അതിരൂപതയുടെ സാമൂഹ്യസേവന വിഭാഗമായ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ നടപ്പിലാക്കുന്ന അടുക്കളത്തോട്ട വ്യാപനപദ്ധതിയുടെ ഉദ്ഘാടനം തെള്ളകം ചൈതന്യയില്‍ നിര്‍വ്വഹിച്ചു സംസാരിക്കുകയായിരുന്നു അദ്ദേഹം. കുടുംബകൂട്ടായ്മകള്‍ ശക്തിപ്പെടുത്തുന്നതോടൊപ്പം കൃഷിയോടും മണ്ണിനോടുമുള്ള ബന്ധം നഷ്ടപ്പെടാതെ കാത്തുപരിപാലിക്കാന്‍, പുതുതലമുറക്ക് പ്രചോദനമാകാന്‍ വീടിനോടു ചേര്‍ന്നുള്ള അടുക്കളത്തോട്ടങ്ങള്‍ സഹായകരമാകുമെന്നും അദ്ദേഹം കൂട്ടിച്ചേര്‍ത്തു.

അതിരമ്പുഴ ഗ്രാമപഞ്ചായത്ത് പ്രസിഡന്റ് ബിജു വലിയമല ചടങ്ങില്‍ അദ്ധ്യക്ഷത വഹിച്ചു. കെ.എസ്.എസ്.എസ് എക്‌സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍, അസി. ഡയറക്ടര്‍ ഫാ. മാത്യൂസ് വലിയപുത്തന്‍പുരയില്‍, കോട്ടയം മുനിസിപ്പല്‍ ചെയര്‍പേഴ്‌സണ്‍ ബിന്‍സി സെബാസ്റ്റ്യന്‍, ഏറ്റുമാനൂര്‍ മുനിസിപ്പല്‍ ചെയര്‍പേഴ്‌സണ്‍ ലൗലി ജോർജ് എന്നിവര്‍ പ്രസംഗിച്ചു.

വെണ്ട, തക്കാളി, വഴുതന, പച്ചമുളക്, പയര്‍, വള്ളിപ്പയര്‍, കത്രിക്ക, ചീര എന്നീ വിവിധയിനം പച്ചക്കറിവിത്തുകളോടൊപ്പം ഗ്രോബാഗുകളും അടങ്ങുന്ന യൂണിറ്റുകളാണ് പദ്ധതിയുടെ ഭാഗമായി 2500 കുടുംബങ്ങള്‍ക്ക് ലഭ്യമാക്കുന്നതെന്ന് കെ.എസ്.എസ്.എസ് എക്‌സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍ അറിയിച്ചു.

ഫാ. സുനില്‍ പെരുമാനൂര്‍, എക്‌സിക്യൂട്ടീവ് ഡയറക്ടര്‍

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.