കെ.സി.ബി.സി. മദ്യവിരുദ്ധസമിതിയുടെ 20-ാം സംസ്ഥാന സമ്മേളനം 22, 23 തീയതികളിൽ കൊച്ചിയിൽ നടക്കും. സമിതി രൂപം കൊണ്ട് 20 വർഷം പൂര്‍ത്തിയായതിന്‍റെ ആഘോഷപരിപാടികളുടെ സമാപന സമ്മേളനമാണ് കൊച്ചിയില്‍ നടക്കുന്നതെന്ന് സംസ്ഥാന ജനറൽ സെക്രട്ടറി ഫാ. ജേക്കബ് വെള്ളമരുതുങ്കല്‍, സെക്രട്ടറിമാരായ അഡ്വ. ചാർളി പോൾ, പ്രസാദ് കുരുവിളഎന്നിവര്‍ പത്രസമ്മേളനത്തിൽ അറിയിച്ചു.
22-ന് വൈകുന്നേരം 4.30-ന് എറണാകുളം ടൗണ്‍ ഹാളിനു മുന്നിൽ ബിഷപ് മാർറെമജിയോസ് ഇഞ്ചനാനിയിൽ പതാക ഉയർത്തും. തുടർന്ന് പാലാരിവട്ടം പി.ഒ.സി-യിൽ സംസ്ഥാന ഭാരവാഹികളുടെ യോഗം.
23-ന് രാവിലെ 10.00 മണിക്ക് കച്ചേരിപ്പടിയിലുള്ള ആശീർഭവൻ ഓഡിറ്റോറിയത്തിൽ സംസ്ഥാന ജനറൽ ബോഡി സമ്മേളനം നടക്കും. ബിഷപ് മാർ റെമിജിയോസ് ഇഞ്ചാനാനിയിൽ ഉദ്ഘാടനം ചെയ്യും. മദ്യവിരുദ്ധ കമ്മീഷൻ സെക്രട്ടറി ഫാ. ജേക്കബ് വെള്ളമരുതുങ്കൽ അധ്യക്ഷത വഹിക്കും. ഉച്ചകഴിഞ്ഞ് രണ്ടിന് ടൗണ്‍ ഹാളിൽ വാര്‍ഷിക സമാപന സമ്മേളനം. ചെയർമാൻ ബിഷപ് മാർ റെമജിയൂസ് ഇഞ്ചാനാനിയിൽ അധ്യക്ഷത വഹിക്കും. പ്രമുഖ മദ്യവിരുദ്ധ പ്രവർത്തകനും നിയമസഭ മുൻ സ്പീക്കറുമായ വി.എം. സുധീരൻ ഉദ്ഘാടനം ചെയ്യും. ബിഷപ് ജോഷ്വാ മാർ ഇഗ്നാത്തിയോസ് മുഖ്യപ്രഭാഷണം നടത്തും. മോണ്. മാത്യു ഇലഞ്ഞിമറ്റം സന്ദേശംനല്കും. ഫാ. ജേക്കബ് വെള്ളമരുതുങ്കൽ, അഡ്വ. ചാർളി പോൾ, പ്രസാദ് കുരുവിള,യോഹന്നാൻ ആന്‍റണി, തങ്കച്ചൻ വെളിയിൽ, ആന്‍റണി ജേക്കബ്, തങ്കച്ചൻ കൊല്ലക്കൊകൊല്ലക്കൊമ്പിൽ, ഫാ. പോൾ കാരാച്ചിറ, സിസ്റ്റർ റോസ്മിൻ, രാജൻ ഉറുന്പിൽ, വി. ഡി. രാജു, ജോസ് ചെമ്പിശേരി, വൈ. രാജു, ഷിബു കാച്ചപ്പിള്ളി, തോമസുകുട്ടിമണക്കുന്നേൽ എന്നിവർ പ്രസംഗിക്കും.
2019-20 പ്രവർത്തന വർഷത്തെ കർമ്മപരിപാടികളുടെ ദീപശിഖ, സമ്മേളനത്തിൽ തെളിക്കും. കേരള കത്തോലിക്കാ സഭയുടെ സീറോ മലബാർ, ലത്തീൻ, മലങ്കര റീത്തുകളിലെ 32 രൂപതകളിൽ നിന്നായി 1,500-ഓളം പ്രവർത്തകർപൊതുസമ്മേളനത്തിൽ പങ്കെടുക്കും. സമ്മേളന പരിപാടികൾക്ക് വരാപ്പുഴഅതിരൂപത ആതിഥേയത്വം വഹിക്കും.
മദ്യവിമുക്തസഭയും സമൂഹവുമെന്ന ലക്ഷ്യപ്രാപ്തിക്കായി 1998 ഡിസംബർ 4-നാണ്കേരള കത്തോലിക്കാ സഭയിൽ കെ.സി.ബി.സി. മദ്യവിരുദ്ധസമിതി എന്ന മഹത്തായ മദ്യവിരുദ്ധ പ്രസ്ഥാനം രൂപം കൊണ്ടത്. ഫാ. അഗസ്റ്റിൻ ബൈജു കുറ്റിക്കൽ, തങ്കച്ചൻ വെളിയിൽ, സെബാസ്റ്റ്യൻ വലിയപറന്പിൽ എന്നിവരും പത്രസമ്മേളനത്തിൽപങ്കെടുത്തു.
