ആർച്ച് ബിഷപ്പ് ഡോ. ജോസഫ് ചേന്നോത്തിന് മരണാനന്തര ബഹുമതി നൽകി ആദരിച്ച് ജപ്പാൻ

ജപ്പാനും വത്തിക്കാനും തമ്മിലുള്ള ഉഭയകക്ഷി ബന്ധം ശക്തമാക്കാൻ നയതന്ത്രതലത്തിൽ നടത്തിയ സജീവ ഇടപെടലുകളെ മാനിച്ച്, ഓർഡർ ഓഫ് ദ റൈസിംഗ് സൺ ദേശീയ പുരസ്‌കാരം മരണാനന്തര ബഹുമതിയായി ആർച്ച് ബിഷപ്പ് ഡോ. ജോസഫ് ചേന്നോത്തിന് സമ്മാനിക്കാൻ ജപ്പാൻ തീരുമാനിച്ചു. ജപ്പാനിലെ ഏറ്റവും ഉയർന്ന രണ്ടാമത്തെ ദേശീയ പുരസ്‌കാരമാണിത്. ജപ്പാനിലെ വത്തിക്കാൻ സ്ഥാനപതിയായിരുന്ന വേളയിൽ ഡോ. ചേന്നോത്ത് ഇരുരാഷ്ട്രങ്ങളും തമ്മിലുള്ള നയതന്ത്രബന്ധം ശക്തമാക്കാൻ ശ്രദ്ധേയമായ ഇടപെടലുകളാണു നടത്തിയത്.

ചേർത്തല കോക്കമംഗലം ഇടവകാഗംമായ ഡോ. ചേന്നോത്ത് ജപ്പാൻ നുൺഷ്യോയായിരിക്കേ, കഴിഞ്ഞവർഷം സെപ്റ്റംബർ എട്ടിനാണ് അന്തരിച്ചത്. ടർക്കി, ഇറാൻ, കാമറോൺ, സൗത്ത് ആഫ്രിക്ക, ബൽജിയം, സ്‌പെയിൻ, നോർവേ, സ്വീഡൻ, തായ്വാൻ, ടാൻസാനിയ എന്നിവിടങ്ങളിലെ വത്തിക്കാൻ നയതന്ത്ര കാര്യാലയങ്ങളിലും അദ്ദേഹം പ്രവർത്തിച്ചിരുന്നു. 2011-ലാണ് അദ്ദേഹം വത്തിക്കാന്റെ ജപ്പാൻ അംബാസിഡറായി സ്ഥാനമേൽക്കുന്നത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.