പരിശുദ്ധ സിംഹാസനവും ചൈനയും തമ്മിലുള്ള താല്ക്കാലിക ഉടമ്പടി രണ്ടു വര്ഷത്തേയ്ക്കു കൂടി പുതുക്കി. വ്യാഴാഴ്ചയാണ് പരിശുദ്ധ സിംഹാസനം ഇത് വെളിപ്പെടുത്തിയത്. കത്തോലിക്കാ മെത്രാന്മാരുടെ നിയമനത്തെ അധികരിച്ച് പരിശുദ്ധ സിംഹാസനവും ചൈനയും അന്നാടിന്റെ തലസ്ഥാനമായ ബെയ്ജിംഗില് വച്ച് 2018 സെപ്റ്റംബര് 22-ന് പരീക്ഷണാടിസ്ഥാനത്തില് ഒപ്പുവച്ചതും അക്കൊല്ലം തന്നെ ഒക്ടോബര് 22-ന് പ്രാബല്യത്തിലായതുമായ ഉടമ്പടിയാണ് 2 വര്ഷത്തെ കാലാവധി പൂര്ത്തിയായതോടെ പുതുക്കിയത്.
പൗരോഹിത്യവുമായി ബന്ധപ്പെട്ട ഈ കരാറില് രാഷ്ട്രീയം കാണേണ്ടതില്ലെന്ന് വത്തിക്കാന് വ്യക്തമാക്കിയിട്ടുണ്ട്. ചൈനയിലെ കമ്മ്യൂണിസ്റ്റ് ഭരണകൂടത്തിന്റെ നിയന്ത്രണത്തിലുള്ള സഭയിലെയും സര്ക്കാരിനെ ഭയപ്പെട്ടു പ്രവര്ത്തിക്കുന്ന ഔദ്യോഗികസഭയിലെയും വിശ്വാസികളെ ഒരുമിപ്പിക്കുക എന്ന ലക്ഷ്യത്തോടെയാണ് രണ്ടു വര്ഷം മുമ്പ് ഈ കരാറിന് വത്തിക്കാന് തയ്യാറായത്.