എല്ലാ വർഷവും സെപ്റ്റംബർ മാസം കത്തോലിക്കാ സഭ വിശുദ്ധ ബൈബിളിന്റെ മാസമായി ആചരിക്കുന്നു. തിരുവെഴുത്തുകളുടെ അറിവിലൂടെ ദൈവവുമായുള്ള വ്യക്തിപരമായ കൂടിക്കാഴ്ചയെ പ്രോത്സാഹിപ്പിക്കുന്നതിനാണ് സെപ്റ്റംബർ മാസം സഭ പ്രത്യേകമായി ബൈബിൾ മാസമായി ആചരിക്കുന്നത്.
എ.ഡി. 420 സെപ്റ്റംബർ 30 -ന് അന്തരിച്ച, ബൈബിളിന്റെ ലത്തീൻ പരിഭാഷകനായ വി. ജെറോമിന്റെ തിരുനാൾ ആചരിക്കുന്നതിന്റെ ഭാഗമായി ഈ ബൈബിൾ മാസാചരണം പ്രാധാന്യമർഹിക്കുന്നു. ‘വചനത്തിന്റെ പ്രാർത്ഥനാപരമായ വായന,’ ‘ഭയത്തെ പ്രത്യാശയാക്കി മാറ്റുവാൻ വിശുദ്ധ ബൈബിൾ’ തുടങ്ങിയ പ്രത്യേക ചിന്തകളിലൂടെ വിവിധ രാജ്യങ്ങളിൽ വിപുലമായ പരിപാടികളാണ് ഈ മാസം നടത്താൻ പദ്ധതിയിട്ടിരിക്കുന്നത്.
