കോട്ടയം അതിരൂപതയുടെ ഇടുക്കിയിലെ സാമൂഹ്യസേവന വിഭാഗമായ ഗ്രീൻവാലി ഡെവലപ്പ്മെന്റ് സൊസൈറ്റിയുടെ നേതൃത്വത്തിൽ കോവിഡ് ടാസ്ക് ഫോഴ്സിന്റെ സഹകരണത്തോടെ ഇടുക്കി ജില്ലയിലെ കിടപ്പുരോഗികളായി ദുരിതമനുഭവിക്കുന്നവരുടെ ഭവനങ്ങളിലെത്തി സാന്ത്വനപരിചരണം ഒരുക്കുന്ന പദ്ധതിക്ക് തുടക്കമായി.
കിടപ്പുരോഗികളെ വീടുകളിലെത്തി അവർക്ക് ആവശ്യം വേണ്ട ശുശ്രുഷകൾ നൽകുന്നതാണ് ഈ പദ്ധതി. കോട്ടയം അതിരൂപതയിലെ സമർപ്പിതസമൂഹമായ കാരിത്താസ് സെക്കുലർ ഇൻസ്റ്റിറ്റ്യൂട്ടിന്റെ സഹകരണത്തോടെയാണ് ഈ പദ്ധതി നടപ്പിലാക്കുന്നത്. പദ്ധതിയുടെ ഉദ്ഘാടനം ഗ്രീൻവാലി ഡെവലപ്പ്മെന്റ് സൊസൈറ്റി സെക്രട്ടറി ഫാ. ജോബിൻ പ്ലാച്ചേരിപ്പുറത്ത് നിർവ്വഹിച്ചു. കാരിത്താസ് സെക്കുലർ ഇൻസ്റ്റിറ്റ്യൂട്ടിലെ സിസ്റ്റർമാരായ സിസ്റ്റർ ജിജി, സിസ്റ്റർ മോളി എന്നിവരാണ് ഇതിന് നേതൃത്വം നൽകിവരുന്നത്.
ഫാ. ജോബിൻ പ്ലാച്ചേരിപ്പുറത്ത്, സെക്രട്ടറി GDS