ചേര്‍ത്തല: സൗജന്യ റേഷന്‍ വിതരണത്തിനായി ജനത്തിരക്ക് കൂടിയപ്പോള്‍ പള്ളിവികാരിയെത്തി നിയന്ത്രിച്ചു. അഴീക്കല്‍ 106-ാം നമ്പര്‍ ജാസ്മിന്‍ ജാക്സന്റെ ഉടമസ്ഥതയിലുള്ള റേഷന്‍ കടയിലാണ് സംഭവം.
കോവിഡ് കാലത്തേയ്ക്ക് സര്‍ക്കാര്‍ പ്രഖ്യാപിച്ച സൗജന്യ റേഷന്‍ വിതരണം തുടങ്ങുമ്പോള്‍ ഇത് വാങ്ങാന്‍ ജനങ്ങള്‍ കൂട്ടമായി എത്തുകയായിരുന്നു. അതുവഴികടന്നുപോയ അഴീക്കല്‍ സെന്‍റ് ഫ്രാന്‍സീസ് സേവ്യര്‍ പള്ളിവികാരി ഫാ. ജോര്‍ജ് മാവുംകൂട്ടത്തില്‍ ഇതു കാണുകയും കൊറോണ വൈറസിനെക്കുറിച്ച്‌ ബോധവല്‍ക്കരിക്കുകയും ജനങ്ങളോട് അകലം പാലിക്കാന്‍ നിര്‍ദ്ദേശിക്കുകയും ചെയ്തു.
ജോബിഷ് പള്ളിത്തോട്
