“എന്റെ ഗോഡ് ഫാദറിനായി പ്രാർത്ഥിക്കാമോ”? – കുർബാനയ്ക്കിടെ വൈദികനോട് അഞ്ചു വയസുകാരന്റെ ചോദ്യം

ബ്രസീലിലെ പട്ടോസ് ഡി മിനാസ് രൂപതയിലെ ഇടവകയിൽ കുർബാനയ്ക്കിടെ ഫാ. ആർതർ ഒലിവേരയോട് ഒരു അഞ്ചു വയസുകാരൻ ചോദിച്ചത് ഇപ്രകാരമാണ്: “കോവിഡ് ബാധിച്ച എന്റെ ഗോഡ് ഫാദറിനായി പ്രാർത്ഥിക്കാമോ?” ഒരു അഞ്ചു വയസ്സിന്റെ നിഷ്കളങ്കതയിൽ നിന്നുയര്‍ന്ന ആ ചോദ്യം മുതിർന്ന പലരുടെയും വിശ്വാസത്തെ ആഴപ്പെടുത്തിയിരിക്കണം, തീർച്ച.

“ലളിതമായ രീതിയിൽ, ധൈര്യത്തോടെ, വിശ്വാസത്തോടെ ചോദിച്ച ഈ കുട്ടിയെപ്പോലെയായിരിക്കണം നമ്മൾ. ഇത് ദൈവത്തിൽ നിന്നുള്ള ഒരു സന്ദേശമാണ്. വിശ്വാസം നമ്മെ ചലിപ്പിക്കുന്നതാകണം” എന്നുപറഞ്ഞ ഫാ. ഒലിവേര, ഈ വീഡിയോ സോഷ്യൽ മീഡിയയിൽ പങ്കുവയ്ക്കുകയും ചെയ്തു. ഈ വീഡിയോ കണ്ട ശേഷം അത് അനേകർക്ക് അവരുടെ വിശ്വാസജീവിതത്തെ പരിശോധിക്കാൻ പ്രചോദനമായി എന്ന് സാക്ഷ്യപ്പെടുത്തുന്നു.

മെയ് 16-ന് പാട്രോസീനിയോയിലെ സാവോ ഫ്രാൻസിസ്കോ ചാപ്പലിലെ വിശുദ്ധ കുർബാനയ്ക്കിടെയാണ് സംഭവം. ജോവോ മിഗുവൽ എന്ന അഞ്ചു വയസുകാരനാണ് വിഷമത്തോടെ തന്റെ ഗോഡ്‌ ഫാദറിനായി പ്രാർത്ഥിക്കാമോ എന്ന ചോദ്യവുമായി വൈദികനെ സമീപിച്ചത്. അവനോടൊപ്പം പ്രാർത്ഥിച്ചശേഷം ഫാ. ഒലിവേര അവിടെയുണ്ടായിരുന്നവരെ അഭിസംബോധന ചെയ്തു പറഞ്ഞു: “ഇതിനേക്കാൾ മനോഹരമായ ഒരു അടയാളം നിങ്ങൾക്ക് വേണോ? യേശു എപ്പോഴും നമ്മോടൊപ്പമുണ്ട്.”

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.