‘ഈശോ’ എന്ന പേരില് നാദിര്ഷ സംവിധാനം ചെയ്യുന്ന സിനിമയുമായി ബന്ധപ്പെട്ട വിവാദങ്ങളില് ഇടപെടാനില്ലെന്നും സിനിമയുടെ പേര് ഇതുവരേയും രജിസ്റ്റര് ചെയ്തിട്ടില്ലെന്നും ഫിലിം ചേംബര്. സിനിമയുടെ പേരുമായി ബന്ധപ്പെട്ട് സോഷ്യല് മീഡിയയില് അടക്കം വിവാദങ്ങളും ചര്ച്ചകളും അരങ്ങേറുന്നതിനിടെയാണ് ഫിലിം ചേബറിന്റെ ഈ അറിയിപ്പ്. സിനിമയ്ക്ക് ‘ഈശോ’ എന്ന പേര് ഇനി അനുവദിക്കാന് കഴിയില്ലെന്നും ചേംബര് വ്യക്തമാക്കി.
സിനിമ പ്രഖ്യാപിക്കുന്നതിനു മുമ്പ് പേര് രജിസ്റ്റര് ചെയ്തിരിക്കണമെന്ന ചട്ടം ലംഘിച്ചതും നിര്മ്മാതാവ് അംഗത്വം പുതുക്കാത്തതും ചിത്രത്തിന്റെ പേര് വിലക്കാന് കാരണമായി ഫിലിം ചേബര് ചൂണ്ടിക്കാട്ടി. എങ്കിലും ഒ.ടി.ടി. റിലീസിന് ഈ പേര് ഉപയോഗിക്കാം. കൊച്ചിയില് ചേര്ന്ന ഫിലിം ചേംബര് എക്സിക്യൂട്ടീവ് യോഗത്തിലാണ് ഈ തീരുമാനമുണ്ടായത്.