ഹംഗറിയുടെ തലസ്ഥാനമായ ബുഡാപെസ്റ്റിൽ നടക്കുന്ന അൻപത്തിരണ്ടാം ദിവ്യകാരുണ്യ കോൺഗ്രസിന് ഇന്ന് സമാപനം. സമാപന സമ്മേളനത്തോട് അനുബന്ധിച്ച് ഇന്ന് രാവിലെ 11.30 -ന് ബുഡാപെസ്റ്റിലെ ഹീറോസ് ചത്വരത്തിൽ ഫ്രാൻസിസ് മാർപാപ്പ ദിവ്യബലിയർപ്പിക്കും.
മാർപാപ്പയെ സ്വീകരിക്കാൻ ബുഡാപെസ്റ്റ് ഒരുങ്ങിയതായി ദിവ്യകാരുണ്യ കോൺഗ്രസ് സംഘാടകർ അറിയിച്ചു. മാർപ്പാപ്പയുടെ ഹംഗറി, സ്ലോവാക്യ പര്യടനത്തിനു ഇന്ന് തുടക്കം കുറിക്കും. 15 -തിയതി വരെയാണ് നാല് ദിവസത്തെ സന്ദർശനം. ഇന്ന് രാവിലെ പാപ്പാ ബുഡാപെസ്റ്റിൽ എത്തും.
