ഇന്ത്യൻ കാത്തലിക്ക് ബിഷപ്സ് കോൺഫറൻസിന്റെ നേതൃത്വത്തിൽ ബയോ എത്തിക്കൽ ഫോറം രൂപീകൃതമായി. ക്ലിനിക്കൽ പ്രാക്ടീസ്, ബയോ മെഡിക്കൽ റീസേർച്ച്, ആരോഗ്യസംരക്ഷണ വിഷയങ്ങളിൽ പൊതുനയം എന്നിവയിൽ ഉയരാൻ സാധ്യതയുള്ള ധാർമ്മികചോദ്യങ്ങൾക്കും സംശയങ്ങൾക്കും ആവശ്യമായ നിർദ്ദേശങ്ങളും നിയമസഹായങ്ങളും നൽകുക എന്ന ലക്ഷ്യത്തോടെയാണ് ഈ ഫോറം സ്ഥാപിതമായത്.
ഫോറത്തിന്റെ ആദ്യ ഡയറക്ടറായി ബാംഗ്ലൂർ അതിരൂപതാ അംഗമായ റവ. ഡോ. ക്രിസ്റ്റഫർ വിമൽരാജിനെ തിരഞ്ഞെടുത്തു. റാഞ്ചി ആർച്ചുബിഷപ്പും സിബിസിഐ കമ്മീഷൻ ആൻഡ് തിയോളജി ആൻഡ് ഡോക്ടറിൻ ചെയർമാനുമായ ബിഷപ്പ് ഫെലിക്സ് ടോപ്പോ ഫോറത്തിന്റെ ചെയർമാനായി ചുമതലയേറ്റു.