ഭ്രൂണഹത്യയും പൈശാചികതയും തമ്മിലുള്ള ബന്ധം വെളിപ്പെടുത്തിക്കൊണ്ട് പ്രോലൈഫ് പ്രവര്‍ത്തകര്‍ നിര്‍മ്മിച്ച ഡോക്യുമെന്ററി ശ്രദ്ധേയമാവുന്നു. ‘ക്രിയേറ്റഡ് ഈക്വല്‍ ഫിലിംസ്’ എന്ന പ്രോലൈഫ് സംഘടനയിലെ അംഗങ്ങളാണ് ഡോക്യുമെന്ററിക്ക് ചുക്കാന്‍ പിടിച്ചിരിക്കുന്നത്. നവംബര്‍ ഏഴാം തീയതി ‘അബോര്‍ഷന്‍: എ ഡോക്ട്രയിന്‍ ഓഫ് ഡെവിള്‍’ എന്ന പേരില്‍ റിലീസ് ചെയ്തിരിക്കുന്ന ഡോക്യുമെന്ററിക്ക് വന്‍ സ്വീകാര്യതയാണ് ലഭിച്ചുകൊണ്ടിരിക്കുന്നത്.
ഭ്രൂണഹത്യയ്ക്കെതിരെ ശബ്ദമുയര്‍ത്താന്‍ പുതിയ തലമുറയിലെ യുവജനങ്ങള്‍ക്ക് പരിശീലനം നല്‍കാനായാണ് ക്രിയേറ്റഡ് ഈക്വല്‍ പ്രോലൈഫ് സംഘടന സ്ഥാപിതമായത്.
