മാറുന്ന കാലഘട്ടത്തിനൊപ്പം, മാറ്റപ്പെട്ട ചില നന്മകള്‍ക്കൊപ്പം സന്തോഷവും സമാധാനവും മനുഷ്യനു നഷ്ടമായി. സമ്പത്തിനും പ്രശസ്തിക്കുമായി നെട്ടോട്ടമോടുന്ന മനുഷ്യന്റെ ആത്യന്തികലക്ഷ്യം ജീവിതത്തില്‍ സന്തോഷവും സമാധാനവും കൊണ്ടുവരിക എന്നതു തന്നെയാണ്. എന്നാല്‍ പലപ്പോഴും ഇത് മറ്റു ചിലതിലേക്ക് ഒതുങ്ങിപ്പോകുന്നു.
ജീവിതത്തില്‍ നഷ്ടമായ സന്തോഷവും സമാധാനവും വീണ്ടെടുക്കാന്‍ ചില മാര്‍ഗ്ഗങ്ങള്‍ ഇതാ…
1. ഏഴു മിനിറ്റ് വ്യായാമത്തിനായി മാറ്റിവയ്ക്കൂ
‘ആരോഗ്യമുള്ള ശരീരത്തിലേ ആരോഗ്യമുള്ള മനസ്സ് ഉണ്ടാകൂ’ എന്ന ചൊല്ല്‌ ഏറെ അര്‍ത്ഥവത്താണ്. ‘ദി ന്യൂ യോര്‍ക്ക്‌ ടൈംസ്‌’-ല്‍ കുറച്ചു മാസങ്ങൾക്കു മുൻപ് വന്ന ലേഖനത്തിലാണ് ഏഴു മിനിറ്റ് വ്യായാമത്തിന്റെ ശാസ്ത്രീയഗുണങ്ങള്‍ പരാമര്‍ശിച്ചിരിക്കുന്നത്. വിഷാദം, മാനസിക പിരിമുറുക്കം തുടങ്ങിയവ അകറ്റി സന്തോഷം പ്രദാനം ചെയ്യാന്‍ വ്യായാമത്തിനു സാധിക്കും.
മൂന്നു വിഭാഗം വിഷാദരോഗികളെ തിരഞ്ഞെടുത്തതില്‍, ഒന്നാം വിഭാഗം ആളുകള്‍ രോഗത്തിനായുള്ള മരുന്നുകള്‍ തിരഞ്ഞെടുക്കുകയും രണ്ടാം വിഭാഗം വ്യായാമത്തിനെ മാത്രം ആശ്രയിക്കുകയും മൂന്നാം വിഭാഗം മരുന്നിനൊപ്പം വ്യായാമം നടത്തുകയും ചെയ്തു. മൂന്നു കൂട്ടരിലും മാറ്റങ്ങള്‍ സംഭവിച്ചെങ്കിലും അത് വ്യത്യസ്ത രീതിയിലായിരുന്നു.
ആറു മാസങ്ങള്‍ക്കു ശേഷം ഇവരെ പരിശോധിച്ചപ്പോള്‍ മരുന്നുകള്‍ മാത്രം ഉപയോഗിച്ചവരില്‍ രോഗം തിരിച്ചുവരാനുള്ള സാധ്യത 38 % ആയിരുന്നു. മരുന്നും വ്യായാമവും ഒരുപോലെ മുന്നോട്ട് കൊണ്ട് പോയവരില്‍ 31 %- വും എന്നാല്‍ വ്യായാമത്തെ മാത്രം ആശ്രയിച്ചവരില്‍ ഇത് 9 % മാത്രമാണ് കാണപ്പെട്ടത്.
2. പുഞ്ചിരിക്കാന്‍ പഠിക്കൂ
മനസ്സറിഞ്ഞു പുഞ്ചിരിക്കാന്‍ കഴിയുക എന്നത് ഏറെ മഹത്തായ ഒരു കാര്യമാണ്. ഇതുവഴി നന്മകള്‍ ഉടലെടുക്കുന്ന ഒരു മനസ്സ് നേടിയെടുക്കാന്‍ സാധിക്കും. സാമ്പത്തിക മേഖലയില്‍ ജോലി ചെയ്യുന്ന ഒരു കൂട്ടം ആളുകളില്‍ ചിലര്‍, ഉപഭോക്താക്കളെ ബോധിപ്പിക്കാനായി കപടമായ പുഞ്ചിരി സമ്മനിക്കുന്നു. മറ്റു ചിലര്‍ മനസ്സറിഞ്ഞു ചിരിക്കുന്നു. ഇതില്‍ ഹൃദ്യമായി പുഞ്ചിരിച്ചവര്‍ക്ക് ദിവസം മുഴുവന്‍ ശുഭാപ്തിവിശ്വസത്തോടെ പെരുമാറാനും മറ്റു വിഭാഗക്കാരെ അപേക്ഷിച്ച് തൊഴിലില്‍ വര്‍ദ്ധിച്ച കാര്യക്ഷമത കാഴ്ച വയ്ക്കാനും സാധിച്ചു.
മിഷിഗന്‍ സ്റ്റേറ്റ് സര്‍വ്വകലാശാല നടത്തിയ പുതിയ പഠനങ്ങളാണ് ഇത്തരമൊരു ഫലം പുറത്തുവിട്ടത്. മനസ്സറിഞ്ഞു ചിരിക്കുന്നത് നിങ്ങള്‍ക്കൊപ്പം തന്നെ മറ്റുള്ളവരെയും സന്തോഷിപ്പിക്കും.
3. കുടുംബത്തിനും സുഹൃത്തുക്കള്‍ക്കുമൊപ്പം സമയം ചിലവഴിക്കൂ
ഓരോ മനുഷ്യനും അവനില്‍ നിയുക്തമായ ഒരു കര്‍മ്മം ചെയ്യാനാണ് ഈ ഭൂമിയില്‍ ഭൂജാതനായിരിക്കുന്നത്. ഈ കടമകള്‍ക്കൊപ്പം തന്നെ നില്‍ക്കുന്ന മറ്റൊന്നുന്നുണ്ട്; നമ്മുടെ ജീവിതത്തില്‍ നിന്നും നമ്മള്‍ ഓരോരുത്തരും അത്യന്തമായി ആഗ്രഹിക്കുന്ന ഒന്ന്. ഈ ലോകത്തോട്‌ വിട പറയുമ്പോള്‍ ഞാന്‍ ചെയ്തതെല്ലാം ശരിയായിരുന്നു എന്ന് പൂർണ്ണ ബോധ്യത്തോടെ പറയാന്‍ സാധിക്കുക എന്നത്. നമ്മള്‍ സ്നേഹിക്കുന്ന, നമ്മെ സ്നേഹിക്കുന്ന കുടുംബത്തോടും സുഹൃത്തുക്കളോടുമൊത്ത് സമയം ചിലവഴിക്കാന്‍ സാധിച്ചില്ലെങ്കില്‍ അത് ഏറ്റവും വലിയ വേദന തന്നെയായി മാറും. കുടുംബത്തിനൊപ്പം സമയം ചിലവഴിക്കുന്നത് പരസ്പരമുള്ള സ്നേഹം വര്‍ദ്ധിപ്പിക്കാനും അതുവഴി സന്തോഷം പ്രദാനം ചെയ്യാനും സാധിക്കും.
ഹാര്‍വാര്‍ഡ് സര്‍വകലാശാലയുടെ, 268 ആളുകളെ ഉള്‍പ്പെടുത്തി 72 വര്‍ഷം നീണ്ടുനിന്ന പഠനത്തിനൊടുവില്‍ പ്രശസ്ത മനോരോഗ വിദഗ്ദ്ധന്‍ ജോര്‍ജ് വെയ്ലെന്റ്റ് മുന്നോട്ട് വച്ച നിഗമനം വെറും മൂന്നു വാക്കുകളില്‍ ഒതുങ്ങിയതായിരുന്നു: ‘ഹാപ്പിനെസ്സ് ഈസ്‌ ലവ്.’ സ്നേഹമാണ് സന്തോഷം!
4. ജോലി സ്ഥലത്തേക്കുള്ള യാത്രയുടെ നീളം കുറയുന്നതാണ് ഏറ്റവും നല്ലത്
ദിവസത്തില്‍ രണ്ടു തവണയും ആഴ്ചയില്‍ ഏഴു ദിവസവും ജോലി സ്ഥലത്തേക്ക് യാത്ര ചെയ്യേണ്ടിവരുമ്പോള്‍ ഏറ്റവും കുറച്ചു യാത്ര ചെയ്യുന്നതായിരിക്കും ഉചിതം. വഴിയിലെ തിരക്കും ട്രാഫിക്കും ഒക്കെ മാനസീകാവസ്ഥയെ വല്ലാതെ ബാധിക്കും.
5. ശുദ്ധവായൂ ശ്വസിക്കൂ
വീടിനു പുറത്ത് പ്രകൃതിയുമായി ദിവസവും 20 മിനിറ്റെങ്കിലും ചിലവിടുന്നത് ആരോഗ്യത്തെയും മനസ്സിനെയും കാര്യമായി തന്നെ സ്വാധീനിക്കുമെന്ന് പഠനങ്ങള്‍ സൂചിപ്പിക്കുന്നു.
6. മറ്റുള്ളവര്‍ക്കു വേണ്ടി സമയം കണ്ടെത്തുക
ഒരു വര്‍ഷത്തില്‍ 100 മണിക്കൂര്‍ അതായത് ഒരു ആഴ്ചയില്‍ 2 മണിക്കൂര്‍ മറ്റുള്ളവരെ സഹായിക്കുന്നത് മാറ്റിവയ്ക്കുക. 150 ആളുകളില്‍ നടത്തിയ പഠനത്തില്‍, സ്വന്തം ആവശ്യങ്ങള്‍ക്ക് പണം ചിലവഴിക്കുന്നതിലും സന്തോഷം മറ്റുള്ളവര്‍ക്കു വേണ്ടി ചെയ്യുമ്പോഴാണെന്നു കണ്ടെത്തി.
7. യാത്രകള്‍ നടത്തുക
ദിവസവുമുള്ള ജോലിഭാരവും എന്നും യാത്ര ചെയ്യുന്ന വഴികളുമൊക്കെ മനുഷ്യരില്‍ മടുപ്പുളവക്കുന്നതിനാല്‍ ഇടയ്ക്ക് വിനോദയാത്രകള്‍ നടത്തുന്നത് നല്ലതാണ്. ഷാന്‍ ആങ്കറിന്റെ ‘ദി ജര്‍ണല്‍ ഓഫ് ഹാപ്പിനെസ്സ് സ്റ്ഡീസസ്’ പറയുന്നത്, ഇഷ്ടമുള്ള ഒരു സിനിമ കാണണം എന്ന് ഓര്‍ക്കുന്നതു പോലും ശരീരത്തില്‍ എന്‍ടോര്‍ഫിന്‍ എന്ന ഹോര്‍മോണിനെ 27 % വര്‍ദ്ധിപ്പിക്കും എന്നാണ്.
8. നന്നായി ഉറങ്ങൂ
ഉറക്കം, ശരീരത്തിലെ പ്രവര്‍ത്തനങ്ങളെ നല്ല രീതിയില്‍ അടുത്ത ദിവസത്തേക്ക് വീണ്ടെടുക്കാന്‍ സഹായിക്കും എന്നതു പോലെ ഉറക്കം നല്ല പോസിറ്റീവ് ചിന്തകള്‍ക്കും വഴിയൊരുക്കും. അതേ സമയം ഉറക്കക്കുറവ് ദുഷ്ചിന്തകളെ സ്വാധീനിക്കും. തലച്ചോറിലെ അമിഗ്ടാലയാണ് ദുഷ്ചിന്തകള്‍ക്ക് വഴിയൊരുക്കുന്നത്; ഹിപ്പോക്യാംപസ് ശുഭചിന്തകളെയും. ഉറക്കക്കുറവ് ഹിപ്പോക്യാംപസിനെയാണ് ഏറ്റവും കൂടുതല്‍ തളര്‍ത്തുന്നത്. അതുകൊണ്ടു തന്നെ കൃത്യമായ ഉറക്കം ശരീരത്തിനും മനസ്സിനും സന്തോഷം പ്രദാനം ചെയ്യും.
9. ധ്യാനം അഥവാ മെഡിറ്റേഷന്‍
മനസിന്‌ സന്തോഷം നല്കുന്ന ഒന്നാണ് ധ്യാനം. സ്വയം മനസ്സിലാക്കാനും പ്രകൃതിയെയും മനുഷ്യനെയും കുറിച്ച് ചിന്തിക്കാനും വഴിയൊരുക്കുന്നതിനാല്‍ ധ്യാനം സന്തോഷം പ്രദാനം ചെയ്യുന്ന ഒന്നാണ് എന്നാണ് പഠനങ്ങള്‍ സൂചിപ്പിക്കുന്നത്.
10. ഓരോ സഹജീവിയോടും കൃതജ്ഞത സൂക്ഷിക്കുക
നമുക്ക് ഓരോ ദിവസവും സംഭവിക്കുന്ന നന്മകള്‍ക്ക് കടപ്പെട്ടിരിക്കുക. സഹജീവികളോട് സ്നേഹം വര്‍ദ്ധിപ്പിക്കാനും അതുവഴി സമാധാനവും സന്തോഷവും കൈവരിക്കാനും ഇതിലൂടെ സാധ്യമാവും.
