“ഞാന് എന്റെ പിതാവിന്റെ കല്പനകള് പാലിച്ച് അവിടുത്തെ സ്നേഹത്തില് നിലനില്ക്കുന്നതു പോലെ, നിങ്ങള് എന്റെ കല്പനകള് പാലിച്ചാല് എന്റെ സ്നേഹത്തില് നിലനില്ക്കും” (യോഹ. 15:10).
സ്നേഹത്തിൽ നിലനിൽക്കാനുള്ള വഴി ഈശോ വെളിപ്പെടുത്തുന്നു. അത് മറ്റൊന്നുമല്ല ഈശോയുടെ കൽപനകൾ പാലിക്കുക എന്നതാണ്. സ്നേഹത്തിന്റെ കൂദാശയായ പരിശുദ്ധ കുർബാന സ്ഥാപിച്ചതിനു ശേഷം ഈശോ അവ വാങ്ങി ഭക്ഷിക്കാനും ആ ഓർമ്മയാചരിക്കാനും നമ്മോട് ആവശ്യപ്പെട്ടു. ഈശോയോടുള്ള സ്നേഹത്തിൽ നിറയുന്നവർക്കു മാത്രമേ അവിടുത്തെ ഓർമ്മയുടെ ആഘോഷമായ കുർബാന അർപ്പിക്കാനും അവന്റെ ശരീര-രക്തങ്ങളെ ഭക്ഷണപാനീയങ്ങളായി സ്വീകരിക്കാനും സാധിക്കൂ.
പിതാവിനോടുള്ള സ്നേഹ ഐക്യത്തിൽ നിലനിന്ന ഈശോയെപ്പോലെ, ഈശോയോടുള്ള നമ്മുടെ സ്നേഹത്തിന്റെ പ്രകാശനമായിത്തീരട്ടെ നമ്മുടെ പരിശുദ്ധ കുർബാനയർപ്പണം.
ഫാ. ആൽവിൻ MCBS