വിശുദ്ധ കുര്‍ബാനയും അനുദിനവചനവും: ജനുവരി 01

“നിങ്ങള്‍ പരസ്‌പരം സ്‌നേഹിക്കുവിന്‍. ഞാന്‍ നിങ്ങളെ സ്‌നേഹിച്ചതു പോലെ നിങ്ങളും പരസ്‌പരം സ്‌നേഹിക്കുവിന്‍” (യോഹ. 13:35).

ഈശോയുടെ വാക്കുകളുടെയും പ്രവർത്തനങ്ങളുടെയും സാരസംഗ്രഹമാണ് “പരസ്പര സ്നേഹം”. അവിടുന്ന് ഭൂമിയിലേക്ക് വന്നതുതന്നെ ലോകത്തെ സ്നേഹിച്ച് രക്ഷിക്കുവാനാണ്. അവിടുന്ന് പ്രഘോഷിച്ച പരസ്പരസ്നേഹത്തിന്റെ ഏറ്റവും വലിയ പ്രകടനമായിരുന്നു കുരിശിലെ ബലിയും സെഹിയോൻ ശാലയിലെ കുർബാന സ്ഥാപനവും.

നമ്മോടുള്ള സ്നേഹത്തെപ്രതി കുരിശിൽ മരണം വരിച്ചപ്പോൾ, അന്ത്യ അത്താഴത്തിൽ അപ്പത്തോളം ചെറുതായി നമുക്ക് ഭക്ഷണമായിത്തീർന്നു. കുർബാന സ്വീകരിച്ച് ദൈവാലയപടികൾ ഇറങ്ങുമ്പോൾ ഈശോ കാണിച്ച പരസ്പരസ്നേഹം ജീവിക്കാനുള്ള തീർത്ഥാടനമായി നമ്മുടെ കാലടികൾ മാറട്ടെ.

ഫാ. ആൽവിൻ mcbs

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.