വിശുദ്ധ കുര്‍ബാനയും അനുദിനവചനവും : ഡിസംബര്‍ 23

കന്യക ഗര്‍ഭം ധരിച്ച്‌ ഒരു പുത്രനെ പ്രസവിക്കും. ദൈവം നമ്മോടു കൂടെ എന്നര്‍ഥമുള്ള ഇമ്മാനുവേല്‍ എന്ന്‌ അവന്‍ വിളിക്കപ്പെടും (മത്താ. 1:22-23).

ഈശോയുടെ വളർത്തു പിതാവാകാൻ ദൈവനിയോഗം ലഭിച്ച യൗസേപ്പിന് ദൈവദൂതൻ വെളിപ്പെടുത്തുന്ന വാചകങ്ങളാണിവ. ഈശോ ഭൂമിയിൽ പിറന്നുവീണത് കൂടെയായിരിക്കാനാണ്. ഈ ലോകം വിട്ട് പിതാവിന്റെ സന്നിധിയിലേക്ക് പോയപ്പോഴും അവിടുന്നാഗ്രഹിച്ചത് മനുഷ്യരോട് കൂടെയായിരിക്കാനാണ്. ഈ ആഗ്രഹത്തിന്റെ പൂർത്തീകരണമായിരുന്നു കുർബാനയായിത്തീരാൻ അവിടുത്തെ പ്രേരിപ്പിച്ചത്.

കുർബാനയായി ദൈവം കൂടെ വസിക്കുകയും ഒരു പടി കൂടെ കടന്ന് ഉള്ളിൽ വസിക്കുകയും ചെയ്യുന്ന നമ്മൾ എത്രയോ ഭാഗ്യപ്പെട്ടവർ! അവർണ്ണനീയമായ ഈ ദാനത്തിന് സ്തുതി.

ഫാ. ആൽവിൻ MCBS

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.