“എന്നെക്കാള്‍ ശക്‌തനായവന്‍ എന്റെ പിന്നാലെ വരുന്നു. കുനിഞ്ഞ്‌ അവന്‍റെ ചെരിപ്പിന്‍റെ വള്ളികള്‍ അഴിക്കാന്‍ പോലും ഞാന്‍ യോഗ്യനല്ല”
(മാര്‍ക്കോ. 1 : 7).
ഈശോയുടെ മുന്നോടിയായി വന്ന യോഹന്നാൻ മാംദാന, ജനിക്കുവാൻ പോകുന്ന ലോകരക്ഷകനായ ഈശോയെക്കുറിച്ച് പറയുന്ന വാക്കുകളാണിത്. യോഹന്നാൻ മാംദാനയെ സംബന്ധിച്ച് ഈശോ പിന്നാലെ വരുന്നവനായിരുന്നെങ്കിൽ നമ്മെ സംബന്ധിച്ച് ഈശോ മുന്നേ വന്നവനും കൂടെ നടക്കുന്നവനും ഉള്ളിൽ വസിക്കുന്നവനുമാണ്.
ഈ അനുഭവങ്ങൾ ഈശോ നമുക്ക് പ്രദാനം ചെയ്യുന്നത് പരിശുദ്ധ കുർബാനയായി തീർന്നു കൊണ്ടാണ്. കുർബാനയർപ്പിച്ച്, കുർബാന സ്വീകരിച്ച്, നമ്മുടെ മുമ്പിലും കൂടെയും ഉള്ളിലും വസിക്കുന്ന കുർബാനഈശോയെ ലോകത്തിന് കാണിച്ചു കൊടുക്കാം.
ഫാ. ആൽവിൻ MCBS
