ലോകം പാരിസ്ഥിതികവും സാമൂഹികവും ആരോഗ്യപരിപാലനയുമായും ബന്ധപ്പെട്ട പ്രതിസന്ധികളെ അഭിമുഖീകരിക്കുകയാണ്. എന്നാൽ പ്രതിസന്ധികൾ അവസരങ്ങളുടെ ജാലകങ്ങൾ കൂടിയാണെന്ന് ഓർക്കണമെന്ന് ഫ്രാൻസിസ് മാർപാപ്പ ചൂണ്ടിക്കാട്ടി.
‘ലൗദാത്തോ സി’ എന്ന ഇ ബുക്കിന്റെ അവതാരികയിൽ, ലോകത്തിന്റെ വെല്ലുവിളികൾ കൂടിയതായി മാർപാപ്പ അഭിപ്രായപ്പെട്ടു. ‘ഭൂമിയുടെ നിലവിളി’ പ്രതിനിധീകരിക്കുന്ന ഒരു പാരിസ്ഥിതിക പ്രതിസന്ധിയും ‘പാവങ്ങളുടെ നിലവിളി’ പ്രതിനിധീകരിക്കുന്ന ഒരു സാമൂഹികപ്രതിസന്ധിയും ആരോഗ്യപ്രതിസന്ധിയും ലോകത്തിൽ വർദ്ധിച്ചിരിക്കുന്നു – പാപ്പാ വ്യക്തമാക്കി.
