സംസ്ഥാനത്ത് ഇന്നലെ 4644 പേര്ക്ക് കോവിഡ്-19 സ്ഥിരീകരിച്ചു. 18 മരണങ്ങളാണ് ഇന്നലെ കോവിഡ്-19 മൂലമാണെന്ന് സ്ഥിരീകരിച്ചത്. 3781 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഉറവിടം അറിയാത്ത 498 പേർ. 86 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്. മുഖ്യമന്ത്രി പിണറായി വിജയൻ വാര്ത്താ സമ്മേളനത്തിലാണ് ഇക്കാര്യം അറിയിച്ചത്.
രാജ്യത്ത് കോവിഡ് ബാധിതരുടെ എണ്ണം കൂടുകയാണ്. ഇതിനിടെ പ്രതീക്ഷ പകർന്നു കൊണ്ട് ഓക്സ്ഫഡ് സര്വകലാശാല വികസിപ്പിച്ചെടുത്ത് സിറം ഇന്സ്റ്റിറ്റ്യൂട്ട് നിര്മിക്കുന്ന കോവിഡ് വാക്സിന്റെ മൂന്നാം ഘട്ട പരീക്ഷണം അടുത്ത ആഴ്ച ആരംഭിക്കും. പുണെ സാസൂണ് ജനറല് ആശുപത്രിയിലാകും മൂന്നാം ഘട്ട ക്ലിനിക്കല് പരീക്ഷണത്തിന് തുടക്കം കുറിക്കുക.