സംസ്ഥാനത്ത് കോവിഡ് മരണം അരലക്ഷം കടന്നു. കോവിഡ് മരണത്തിൽ രാജ്യത്ത് മഹാരാഷ്ട്രയ്ക്ക് പിന്നില് രണ്ടാം സ്ഥാനത്താണ് കേരളം.
ഇന്നലെ 19 മരണം സ്ഥിരീകരിച്ചു. ഇതുകൂടാതെ 277 മുൻമരണങ്ങളും കോവിഡ് പട്ടികയിൽ ഉൾപ്പെടുത്തിയതോടെ ആകെ മരണം 50,053 ആയി. കോവിഡ് പ്രതിരോധത്തിലും നിയന്ത്രണത്തിലും രാജ്യത്തിന് മാതൃക എന്ന് അവകാശപ്പെടുമ്പോഴും കോവിഡ് മരണവും മരണനിരക്കും ഉയർന്നു വരുന്നതിന് സർക്കാരിന് വിശദീകരണം നൽകാനാകുന്നില്ല.