രാജ്യത്ത് ഒമിക്രോണ് കേസുകള് വര്ധിച്ചുവരുന്ന സാഹചര്യത്തില് മധ്യപ്രദേശില് രാത്രികാല കര്ഫ്യൂ പ്രഖ്യാപിച്ചു. രാത്രി 11 മണി മുതല് പുലര്ച്ചെ അഞ്ചു മണി വരെയാണ് നിയന്ത്രണം. മധ്യപ്രദേശ് മുഖ്യമന്ത്രി ശിവ് രാജ് സിങ് ചൗഹാനാണ് ഇക്കാര്യം അറിയിച്ചത്. ആവശ്യമെങ്കില് കൂടുതല് നടപടികളിലേക്ക് കടക്കുമെന്നും അദ്ദേഹം അറിയിച്ചു. അതേസമയം, മധ്യപ്രദേശില് ഇതുവരെ ഒമിക്രോണ് കേസുകളൊന്നും റിപ്പോര്ട്ട് ചെയ്തിട്ടില്ല എന്നതും ശ്രദ്ധേയമാണ്.
ഇതിനിടെ രാജ്യത്ത് കോവിഡിന്റെ ഒമിക്രോണ് വകഭേദം ബാധിച്ചവരുടെ എണ്ണം 300 കടന്നിട്ടുണ്ട്. കേരള, തമിഴ്നാട്, കര്ണാടക എന്നീ സംസ്ഥാനങ്ങളിലാണ് ഇന്ന് പുതുതായി രോഗം സ്ഥിരീകരിച്ചത്.