കോവിഡ് ബാധിച്ച് മാതാപിതാക്കള് നഷ്ട്ടപ്പെട്ട കുട്ടികള്ക്കായി പ്രത്യേക പാക്കേജ് നടപ്പിലാക്കുമെന്ന് മുഖ്യമന്ത്രി പിണറായി വിജയന്. മൂന്ന് ലക്ഷം രൂപ കുട്ടികള്ക്ക് ഒറ്റത്തവണയായി നല്കും. 18 വയസുവരെ രണ്ടായിരം രൂപാ മാസം തോറും നല്കും.
ബിരുദതലം വരെയുള്ള വിദ്യാഭ്യാസ ചിലവ് സര്ക്കാര് ഏറ്റെടുക്കാന് തീരുമാനിച്ചതായും മുഖ്യമന്ത്രി അറിയിച്ചു. പത്തനംതിട്ട, പാലക്കാട്, കോഴിക്കോട് എന്നീ ജില്ലകളില് കഴിഞ്ഞ രണ്ടാഴ്ചയായി കോവിഡ് മരണനിരക്ക് കൂടുതലാണ്. ഈ ജില്ലകളില് വിദഗ്ധ സംഘത്തെ നിയോഗിച്ച് വേണ്ട നിര്ദേശം നല്കുമെന്നും മുഖ്യമന്ത്രി അറിയിച്ചു.