സംസ്ഥാനത്ത് പ്രതിദിന കോവിഡ് രോഗികളുടെ എണ്ണം ആദ്യമായി നാല്പതിനായിരത്തിന് മുകളിലെത്തി. ഇന്നലെ 41,953 പേർക്ക് രോഗം സ്ഥിരീകരിച്ചു. ഗൗരവമുള്ള അവസ്ഥയാണ് നിലനിൽക്കുന്നതെന്ന് മുഖ്യമന്ത്രി പിണറായി വിജയൻ പറഞ്ഞു.
ടെസ്റ്റ് പോസിറ്റിവിറ്റി നിരക്ക് 25.69 എന്ന ഉയർന്ന നിലയിലാണ്. പരിശോധിക്കുന്ന നാലിൽ ഒരാൾ പോസിറ്റീവ് ആകുന്നു. ചികിത്സയിൽ കഴിയുന്നവരുടെ എണ്ണം 3,75,658 ആയി. മരണസംഖ്യ വർദ്ധിച്ചു വരുകയാണ്. ഇന്നലെ 58 മരണം സ്ഥിരീകരിച്ചു. ആകെ മരണം 5565 ആയി.
