കേരളത്തില് ഇന്നലെ 6477 പേര്ക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ അറിയിച്ചു. 3481 പേര് രോഗമുക്തി നേടി. 22 പേർ ഇന്നലെ മാത്രം കോവിഡ് ബാധിച്ച് മരിച്ചു. 5418 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 713 പേരുടെ സമ്പര്ക്ക ഉറവിടം വ്യക്തമല്ലെന്നും ആരോഗ്യമന്ത്രി വാർത്താക്കുറിപ്പില് അറിയിച്ചു.
ഇന്ന് രോഗം സ്ഥിരീകരിച്ചവരില് 58 പേര് വിദേശ രാജ്യങ്ങളില്നിന്നും 198 പേര് മറ്റ് സംസ്ഥാനങ്ങളില്നിന്നും വന്നതാണ്. 5418 പേര്ക്ക് സമ്പര്ക്കത്തിലൂടെയായാണ് രോഗം ബാധിച്ചത്. 713 പേരുടെ സമ്പര്ക്ക ഉറവിടം വ്യക്തമല്ല. 80 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്. സംസ്ഥാനത്തെ വിവിധ ജില്ലകളിലായി 2,15,691 പേരാണ് ഇപ്പോള് നിരീക്ഷണത്തിലുള്ളത്.
രോഗം സ്ഥിരീകരിച്ച് ചികിത്സയിലായിരുന്ന 3481 പേരുടെ പരിശോധനാഫലം നെഗറ്റീവ് ആയി. അതേസമയം പരിശോധനകളും വര്ധിപ്പിച്ചു. കഴിഞ്ഞ 24 മണിക്കൂറിനിടെ 56,057 സാമ്പിളുകളാണ് പരിശോധിച്ചത്.