ജനുവരി 20 ബുധനാഴ്ച രാവിലെ പോള്‍ ആറാന്‍ ഹാളിന്റെ നടുമുറ്റത്തെ താല്ക്കാലിക സംവിധാനത്തില്‍ വച്ച് വത്തിക്കാന്റെ സംരക്ഷണയില്‍ കഴിയുന്ന 25 ഭവനരഹിതര്‍ക്കായി കോവിഡ്-19-ന്റെ പ്രതിരോധ കുത്തിവയ്പു നല്കി. വൈറസ് ബാധയ്‌ക്കെതിരായ പ്രതിരോധ നടപടികള്‍ വത്തിക്കാന്‍ ഇനിയും തുടരുമെന്ന് പ്രസ്സ് ഓഫിസ് മേധാവി മത്തയോ ബ്രൂണി ബുധനാഴ്ച പുറത്തുവിട്ട പ്രസ്താവനയിലൂടെ അറിയിച്ചു.
ആദ്യ കുത്തിവയ്പ്പ് പാപ്പാ ഫ്രാന്‍സിസിനും മുന്‍പാപ്പാ ബെനഡിക്ടിനും വത്തിക്കാനിലെ ഡോക്ടര്‍മാര്‍ക്കും നെഴ്‌സുമാര്‍ക്കും മറ്റു രോഗീപരിചാരകര്‍ക്കുമാണ് നല്കിയത്. ഇനി വത്തിക്കാന്റെ വിവിധ വകുപ്പുകളില്‍ പ്രവര്‍ത്തിക്കുന്നവര്‍ക്കായി പ്രതിരോധ കുത്തിവയ്പ് തുടരുമെന്ന് ബുധനാഴ്ച രാവിലെ പുറത്തുവിട്ട പ്രസ്താവന വ്യക്തമാക്കി.
കടപ്പാട്: വത്തിക്കാന്‍ ന്യൂസ്
