നൈജീരിയയിൽ തിരുക്കുടുംബ ദൈവാലയം അക്രമികൾ അഗ്നിക്കിരയാക്കി

നൈജീരിയയിലെ കടുന സംസ്ഥാനത്തെ തിരുക്കുടുംബ ദൈവാലയത്തിന് ആയുധധാരികൾ തീയിട്ടു. ഫെബ്രുവരി 22 -ന് വത്തിക്കാൻ ഏജൻസിയായ ഫിദാസ് പുറത്തു വിട്ടതാണ് ഇക്കാര്യം. കിക്വാരി ഗ്രാമത്തിലാണ് ഈ ദൈവാലയം സ്ഥിതി ചെയ്യുന്നത്.

അക്രമികളുടെ വരവിനെക്കുറിച്ച് മുൻകൂട്ടി അറിഞ്ഞ ഗ്രാമവാസികൾ മുന്നറിയിപ്പ് നൽകി രക്ഷപ്പെടുകയായിരുന്നു. സംസ്ഥാന ആഭ്യന്തര സുരക്ഷാ കമ്മീഷണർ സാമുവൽ അരുവാൻ ആക്രമണം സ്ഥിരീകരിച്ചു. “സ്ഥലത്തെത്തിയ ആയുധധാരികൾ ദൈവാലയത്തിനും രണ്ട് വീടുകൾക്കും തീയിടുകയായിരുന്നു”- അദ്ദേഹം പറഞ്ഞു. ആക്രമണത്തെ അപലപിച്ച ഗവർണർ എൽ-റൂഫായ് ഗ്രാമവാസികളോട് തന്റെ വേദന പ്രകടിപ്പിച്ചതായി കമ്മീഷണർ കൂട്ടിച്ചേർത്തു.

കൂടാതെ, നാശനഷ്ടങ്ങൾ വിലയിരുത്തുന്നതിനും ഉചിതമായ നടപടികൾ സ്വീകരിക്കുന്നതിനും ഗവർണർ നിർദ്ദേശങ്ങൾ നൽകിയിട്ടുണ്ട്. സുരക്ഷാ ഏജൻസികൾ പ്രദേശത്തെ നിയന്ത്രണങ്ങൾ ശക്തമാക്കുമെന്ന് ഗവർണർ ഉറപ്പ് നൽകുകയും ചെയ്തു. കഴിഞ്ഞയാഴ്ചയിൽ ഈ അക്രമസംഘം കടുന സംസ്ഥാനത്തെ മറ്റൊരു ഗ്രാമത്തിലും ആക്രമണം നടത്തി. ആ ആക്രമണത്തിൽ രണ്ട് പേർക്ക് ജീവൻ നഷ്ടപ്പെട്ടു, മറ്റ് ഒമ്പത് പേരെ തട്ടിക്കൊണ്ടുപോവുകയും ചെയ്തു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.