ലോകമെമ്പാടുമുള്ള കേരളീയർക്ക് ഗവർണർ ആരിഫ് മുഹമ്മദ് ഖാൻ ക്രിസ്തുമസ് ആശംസകൾ നേർന്നു. സഹാനുഭൂതിയും ഉദാരതയും കൊണ്ട് ജീവിതത്തെ സമ്പന്നമാക്കാനും സാമൂഹിക ഒരുമ ശക്തമാക്കാനും ക്രിസ്തുമസ് ആഘോഷത്തിന് സാധിക്കട്ടെ -ഗവർണർ ആശംസിച്ചു.
സാഹോദര്യവും സമത്വവും സ്നേഹവും നിറഞ്ഞ ലോകം സ്വപ്‍നം കാണാൻ പ്രചോദിപ്പിക്കുന്ന ആഘോഷമാണ് ക്രിസ്തുമസ് എന്ന് മുഖ്യമന്ത്രി പിണറായി വിജയൻ ക്രിസ്തുമസ് സന്ദേശത്തിൽ പറഞ്ഞു. കോവിഡ് മഹാമാരി വിട്ടൊഴിയാത്തതിനാൽ കരുതലോടെ ക്രിസ്തുമസ് ആഘോഷിക്കണമെന്നും മുഖ്യമന്ത്രി കൂട്ടിച്ചേർത്തു.
