2021 -ൽ ഗുരുതരമായ മനുഷ്യാവകാശ ലംഘനം തുടരുന്ന രാജ്യമായി ചൈന മാറുമെന്ന് റിപ്പോർട്ടുകൾ വിലയിരുത്തുന്നു. ചൈനയിൽ 9,00,000 മുതൽ 1.8 ദശലക്ഷം ഉയിഗറുകളും മുസ്ലീം വംശജരും 1,300 -ലധികം തടങ്കൽപ്പാളയങ്ങളിൽ തടവിലാക്കപ്പെട്ടതായി യു‌എസ്‌സി‌ആർ‌എഫ് റിപ്പോർട്ട് ചെയ്തു. ക്യാമ്പുകളിൽ നിർബന്ധിത തൊഴിലുകൾ, മർദ്ദനം, നിർബന്ധിത വന്ധ്യംകരണം എന്നിവയും റിപ്പോർട്ട് ചെയ്തിട്ടുണ്ട് എന്നു യുണൈറ്റഡ് സ്റ്റേറ്റ്സ് കമ്മീഷണർ ഫോർ ഇന്റർനാഷണൽ റിലീജിയസ് ഫ്രീഡം (യു.എസ്.സി.ഐ.ആർ.എഫ്) കമ്മീഷണർ നാദിൻ മൻസ പറഞ്ഞു.
ഇവിടുത്തെ ഭയാനകമായ സാഹചര്യം അവസാനിപ്പിക്കാൻ ചൈനയെ സമ്മർദ്ദത്തിലാക്കാൻ അമേരിക്കയുടെയും അന്താരാഷ്ട്ര കമ്പനികളുടെയും സഹായം മെൻസ ആവശ്യപ്പെട്ടു. ഹോങ്കോങ്ങിലെ ജനാധിപത്യ അഭിഭാഷകർക്കെതിരെ ചൈന അടുത്തിടെ നടത്തിയ അടിച്ചമർത്തലും കടുത്ത ആശങ്കയാണ് ഉയർത്തുന്നത്. ചൈന ലോകമെമ്പാടും തങ്ങളുടെ സ്വാധീനം വ്യാപിപ്പിക്കുകയാണെന്ന് കമ്മീഷണർ പറഞ്ഞു.
ഏഷ്യയുടെ മറ്റ് ഭാഗങ്ങളിൽ ബ്രൂണൈ, ഇന്ത്യ തുടങ്ങിയ രാജ്യങ്ങളിൽ വംശീയ-മത ദേശീയത എന്നീ കാര്യങ്ങൾ ആശങ്കാജനകമാണെന്ന് മെൻസ പറഞ്ഞു.
