നാർക്കോട്ടിക്, ലൗ ജിഹാദ് വിഷയങ്ങളിൽ പാലാ ബിഷപ്പ് മാർ ജോസഫ് കല്ലറങ്ങാട്ടിന് ഐക്യദാർഢ്യം പ്രഖ്യാപിച്ച് രൂപതയിലെ എസ് എം വൈ എം, കെ സി വൈ എം എന്നീ യുവജന സംഘടനകൾ പാലായിൽ ഭീകരവാദ വിരുദ്ധ പ്രാർത്ഥനാ റാലിയും മാനവിക സമാധാന സദസും നടത്തി. ഇന്നലെ രാവിലെ വിവിധ പോയിന്റുകളിൽ നിന്നും പാലാ കുരിശുപള്ളി ജംഗ്ഷനിൽ എത്തുന്ന വിധത്തിലായിരുന്നു റാലി.
തുടർന്ന് വൈകുന്നേരം അഞ്ചു വരെ മാനവിക സമാധാന സദസ്സ് നടത്തപ്പെട്ടു. ജാതി മത രാഷ്ട്ര വർണ്ണ വർഗ ഭേദമന്യേ സുമനസുകളുടെ സഹകരണത്തോടെയായിരുന്നു സദസ്.
