രോഗക്കിടക്കയിൽ ആശ്വാസം പകരുന്ന ദൈവവചനം 

നമുക്ക് അസുഖം വരുമ്പോൾ, ചിലപ്പോൾ ഏകാന്തത അനുഭവപ്പെടാം. ഏകാന്തത പലപ്പോഴും നമ്മെ നിരാശയിലേക്കും നയിച്ചേക്കാം. അത് പ്രതീക്ഷ നഷ്ടപ്പെട്ടവരെ പോലെ ഉള്ള ഒരു അനുഭവം നമുക്ക് സമ്മാനിക്കും. ദൈവം നമ്മോടൊപ്പമുണ്ടെന്നും വീണ്ടെടുക്കാവുന്ന ഒന്നാണ് ആരോഗ്യം എന്നും പലപ്പോഴും നാം മറക്കുന്നു. നമ്മുടെ തകർന്ന അവസ്ഥകളിൽ നിന്ന് നമ്മെ ഉയർത്തെഴുന്നേല്പിക്കാൻ ദൈവത്തിനു മാത്രമേ കഴിയൂ.

ലളിതമായ ഈ വസ്തുതകൾ നമ്മെ ഓർമ്മിപ്പിക്കുകയും നമ്മുടെ രോഗങ്ങളിൽ ആശ്വാസം നൽകുകയും ചെയ്യുന്ന ഏശയ്യായുടെ പുസ്തകത്തിൽ നിന്നുള്ള ഒരു ബൈബിൾ വാക്യം ഇതാ…

“ഭയപ്പെടേണ്ടാ; ഞാന്‍ നിന്നോടു കൂടെയുണ്ട്. സംഭ്രമിക്കേണ്ടാ; ഞാനാണ് നിന്റെ ദൈവം. ഞാന്‍ നിന്നെ ശക്തിപ്പെടുത്തുകയും സഹായിക്കുകയും ചെയ്യും. എന്റെ വിജയകരമായ വലതുകൈ കൊണ്ട് ഞാന്‍ നിന്നെ താങ്ങിനിര്‍ത്തും” (ഏശയ്യാ 41:10).

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.