സ്ത്രീകൾ സമൂഹത്തിന് ഒരു സമ്മാനമാണെന്ന് മാർപാപ്പ. നവംബർ ആറിന് ബഹ്‌റൈനിൽ നിന്ന് ഇറ്റലിയിലേക്കുള്ള യാത്രയിൽ വിമാനത്തിൽ വച്ചു നടത്തിയ പത്രസമ്മേളനത്തിലാണ് പാപ്പായുടെ ഈ പ്രസ്താവനയുള്ളത്. എന്നാൽ, സ്ത്രീകളെ തുല്യരായി കണക്കാക്കാത്ത സ്ഥലങ്ങൾ ലോകത്തുള്ളിടത്തോളം അവരുടെ മൗലികാവകാശങ്ങൾക്കായുള്ള പോരാട്ടം തുടരാൻ വിധിക്കപ്പെട്ടിരിക്കുന്നു.
സ്ത്രീകളെ രണ്ടാംകിട പൗരന്മാരായി കാണുന്ന രീതികൾക്കെതിരെ നാം പോരാടേണ്ടതുണ്ട്. സ്ത്രീകൾ മുടി മറയ്ക്കണമെന്ന ഭരണകൂടത്തിന്റെ കർശനമായ ഡ്രസ് കോഡ് ലംഘിച്ചുവെന്നാരോപിച്ച് സദാചാര പോലീസ് സെപ്റ്റംബർ 13- ന് തടവിലാക്കിയ 22- കാരിയായ കുർദിഷ് ഇറാനിയൻ വനിത, മഹ്സ അമിനിയുടെ മരണത്തിനു ശേഷം ഇറാനിലുടനീളം സർക്കാർ വിരുദ്ധ പ്രതിഷേധങ്ങൾ നടന്നിട്ടുണ്ട്. നോർവേ ആസ്ഥാനമായുള്ള ഇറാൻ ഹ്യൂമൻ റൈറ്റ്‌സ് പറയുന്നതനുസരിച്ച്, 41 കുട്ടികൾ ഉൾപ്പെടെ പ്രകടനങ്ങൾക്കെതിരായ പോലീസ് അടിച്ചമർത്തലിൽ കുറഞ്ഞത് 304 പേർ കൊല്ലപ്പെട്ടു.
ദൈവം സ്‌ത്രീയെയും പുരുഷനെയും സൃഷ്‌ടിച്ചപ്പോൾ സ്‌ത്രീയെ സൃഷ്‌ടിച്ചത്‌ പുരുഷന്റെ ‘വളർത്തുനായ’ ആയിട്ടല്ലെന്ന്‌ ഫ്രാൻസിസ് മാർപാപ്പ കൂട്ടിച്ചേർത്തു. പുരുഷന്മാരും സ്ത്രീകളും തമ്മിലുള്ള ബന്ധത്തെക്കുറിച്ചുള്ള സെന്റ് പോളിന്റെ വാക്കുകൾ ഇന്ന് പഴയശൈലിയാണെന്നു തോന്നുമെങ്കിലും അത് വിപ്ലവകരമായിരുന്നുവെന്നും അദ്ദേഹം ചൂണ്ടിക്കാട്ടി.
