2025 ജൂബിലി വർഷത്തിന്റെ ആപ്തവാക്യം പുറത്തിറക്കി വത്തിക്കാൻ. ‘പ്രതീക്ഷയുടെ തീർത്ഥാടകർ’ എന്നാണ് ആപ്തവാക്യം. ജനുവരി 13-ന് വത്തിക്കാൻ ന്യൂസ് പുറത്തിറക്കിയ വീഡിയോയിൽ ആർച്ച് ബിഷപ്പ് റിനോ ഫിസിചെല്ലയാണ് ഈ വിവരം അറിയിച്ചത്.
2025 ജൂബിലിയിൽ സെന്റ് പീറ്റേഴ്‌സ് ബസിലിക്കയിലെ വിശുദ്ധ വാതിൽ തുറക്കാനാണ് തീരുമാനം. സാധാരണ 25 വർഷത്തിലൊരിക്കൽ അല്ലെങ്കിൽ ഒരു അസാധാരണ ജൂബിലിക്ക് ഒരു മാർപ്പാപ്പ ആഹ്വാനം ചെയ്യുമ്പോൾ മാത്രം തുറക്കുന്ന ഈ വാതിലിലൂടെ കടന്നുപോകുന്ന തീർഥാടകർക്ക് പൂർണ്ണ ദണ്ഡവിമോചനം ലഭിക്കും.
വിശുദ്ധ ജോൺ പോൾ രണ്ടാമൻ 2000-ലെ ജൂബിലിക്ക് നേതൃത്വം നൽകിയതിന് ശേഷമുള്ള സഭയുടെ ആദ്യത്തെ സാധാരണ ജൂബിലിയാണ് 2025 ജൂബിലി. 2015-ൽ ഫ്രാൻസിസ് മാർപാപ്പ ആരംഭിച്ച കരുണയുടെ ജൂബിലി വേളയിൽ, ലോകമെമ്പാടുമുള്ള കത്തീഡ്രൽ ദേവാലയങ്ങൾക്ക് വിശുദ്ധ വാതിൽ സ്ഥാപിക്കാനും തുറക്കാനും ഫ്രാൻസിസ് മാർപാപ്പ അനുമതി നൽകിയിരുന്നു.
