നാസി തടങ്കലിൽ കൊല്ലപ്പെട്ട രണ്ട് വൈദികർ വാഴ്ത്തപ്പെട്ട പദവിയിൽ

നാസി തടങ്കലിൽ കൊല്ലപ്പെട്ട രണ്ട് വൈദികർ കൂടി വാഴ്ത്തപ്പെട്ട പദവിയിലേക്ക് ഉയർത്തപ്പെട്ടു. ഇറ്റാലിയൻ വൈദികരായ ഫാ. ജ്യൂസെപ്പെ ബെർണാർഡിയും ഫാ. മരിയോ ഗിബൗഡോയും നാസികളുടെ ഭീഷണി അവഗണിച്ച് വിശ്വാസികളോടൊപ്പം നിൽക്കുകയും അതിനെ തുടർന്ന് 1943 സെപ്റ്റംബർ 19-ന് വധിക്കപ്പെടുകയുമായിരുന്നു.

ബോവ്‌സിലെ മഡോണ ഡെയ് ബോഷിയിൽ വച്ച് വിശുദ്ധരുടെ കാരണങ്ങൾക്കായുള്ള ഡിക്കാസ്റ്ററിയുടെ പ്രിഫെക്റ്റ് കർദ്ദിനാൾ മാർസെലോ സെമെരാരോ ഈ രണ്ട് രക്തസാക്ഷികളെയും വാഴ്ത്തപ്പെട്ടവരായി പ്രഖ്യാപിച്ചു. 1943 സെപ്തംബർ എട്ടിലെ യുദ്ധവിരാമത്തിനു ശേഷം രണ്ടാം ലോകമഹായുദ്ധ സമയത്ത് ഇറ്റലിയെ സഖ്യസേന കീഴടക്കി. ഇത് വടക്കൻ മധ്യ ഇറ്റലിയെ നിയന്ത്രിച്ചിരുന്ന നാസികൾക്ക് ശത്രുതക്ക് കാരണമായി. ജർമ്മൻ പട്ടാളക്കാരോട് ഇറ്റലിക്കാരുടെ ചെറുത്തുനിൽപ്പിനു ശേഷമാണ് ബോവ്സ് ദുരന്തം സംഭവിച്ചത്. ഇത് ഇരുവശത്തും ഒരു സൈനികന്റെ മരണത്തിലും രണ്ട് നാസികളെ പക്ഷക്കാർ പിടികൂടുന്നതിലും കലാശിച്ചു.

മേജർ ജോസഫ് പീപ്പറിന്റെ നേതൃത്വത്തിൽ ജർമ്മൻ സൈന്യം വന്ന്, അവർ തങ്ങളുടെ സൈനികരെ മോചിപ്പിച്ച് മരിച്ചയാളുടെ മൃതദേഹം കൈമാറിയില്ലെങ്കിൽ നഗരം നശിപ്പിക്കുമെന്ന് ഭീഷണിപ്പെടുത്തി. ഫാ. ജ്യൂസെപ്പെ ബെർണാർഡിയെയും അന്റോണിയോ വാസല്ലോ എന്ന ഇറ്റാലിയൻ പൗരനെയും നാസി ഉദ്യോഗസ്ഥൻ മദ്ധ്യസ്ഥരായി വിളിച്ചു. അദ്ദേഹത്തിന്റെ സൈനികരുടെയും മൃതദേഹത്തിന്റെയും മോചനം ലഭിച്ചിട്ടും ജർമ്മൻ സൈന്യം സെപ്തംബർ 19-ന് പലായനം ചെയ്യാൻ കഴിയാതിരുന്ന നിവാസികളുമായി ബോവ്സിനെ നശിപ്പിക്കാൻ ഉത്തരവിട്ടു. മരിച്ച 24 പേരിൽ ഫാ. ബെർണാർഡും വസ്സല്ലോയും ഉൾപ്പെടുന്നു.

അന്നു തന്നെ, എന്താണ് സംഭവിക്കുന്നതെന്ന് അറിയാമായിരുന്ന ഫാ. ഗിബൗഡോ, അനാഥാലയത്തിലെ കുട്ടികളെയും ബോവ്സിലെ മറ്റ് താമസക്കാരെയും രക്ഷിക്കാൻ സ്വയം നാസികൾക്ക് കീഴടങ്ങി. വൈകുന്നേരം 4.30-ഓടെ അദ്ദേഹം നാസികളുടെ ആക്രമണത്തിൽ പരിക്കേറ്റ് മരിച്ചുകൊണ്ടിരുന്ന ഒരാളുടെ അടുത്തെത്തി. അദ്ദേഹത്തിന്റെ കുമ്പസാരം കേട്ടുകൊണ്ടിരിക്കെ ഒരു സൈനികന്റെ കുത്തേറ്റ് ഫാ. ഗിബൗഡോ കൊല്ലപ്പെട്ടു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.