മെക്സിക്കോയിൽ ആയുധധാരികളുടെ ആക്രമണത്തിൽ രണ്ട് കത്തോലിക്കാ വൈദികർ കൊല്ലപ്പെട്ടു

മെക്സിക്കോയിൽ നടന്ന ആയുധധാരികളുടെ ആക്രമണത്തിൽ രണ്ട് ജെസ്യൂട്ട് വൈദികർ കൊല്ലപ്പെട്ടു. ഫാ. ഹാജാവിയർ കാമ്പോസ്, ഫാ. ജോക്വിൻ മോറ എന്നിവരാണ് ജൂൺ 20-ന് കൊല്ലപ്പെട്ടത്.

“ജൂൺ 20-ന് ഉച്ച കഴിഞ്ഞ് താരാഹുമാരയിലെ സെറോകാഹുയിയിൽ ജെസ്യൂട്ട് വൈദികരായ ഫാ. ഹാജാവിയർ കാമ്പോസ്, ഫാ. ജോക്വിൻ മോറ എന്നിവരാണ് കൊല്ലപ്പെട്ടത്. ആയുധധാരിയിൽ നിന്നും രക്ഷ തേടി ദേവാലയത്തിൽ അഭയം പ്രാപിച്ച ഒരാളെ രക്ഷിക്കാൻ ശ്രമിക്കുന്നതിനിടയിലാണ് വൈദികർ കൊല്ലപ്പെട്ടത്” – മെക്സിക്കോ പ്രവിശ്യയുടെ തലവനായ ഫാ. ലൂയിസ് ജെറാർഡോ മോറോ മാഡ്രിഡ് പുറത്തുവിട്ട പ്രസ്താവനയിൽ പറയുന്നു.

സംഭവത്തിൽ അനുശോചനം അറിയിച്ച അദ്ദേഹം കേസിൽ നിഷ്പക്ഷമായ അന്വേഷണവും ആവശ്യപ്പെട്ടു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.