യേശുവിന്റെ തിരുഹൃദയം ദൈവത്തിന്റെ അനന്തമായ സ്നേഹത്തെക്കുറിച്ച് നമ്മെ ഓർമ്മിപ്പിക്കുന്നുവെന്ന് ഫ്രാൻസിസ് പാപ്പാ. ജൂൺ 22-ന് വത്തിക്കാനിൽ നടന്ന പൊതുസദസിലാണ് പാപ്പാ ഇപ്രകാരം പറഞ്ഞത്.
“ഈശോയുടെ തിരുഹൃദയ തിരുനാൾ ദൈവത്തിന് മനുഷ്യരോടുള്ള അനന്തമായ സ്നേഹത്തെ ഓർമിപ്പിക്കുന്നു. ക്രിസ്തു നമ്മെ സ്നേഹിക്കുന്നതുപോലെ അവിടുത്തെ സ്നേഹിക്കാൻ നമ്മളും പഠിക്കണം” – പാപ്പാ പറഞ്ഞു. തിരുഹൃദയ തിരുനാളിന്റെ പിറ്റേ ദിവസമായ ജൂൺ 25-ന് തിരുസഭയിൽ മാതാവിന്റെ വിമലഹൃദയ തിരുനാളും ആഘോഷിക്കുന്നുണ്ട്. ഈ രണ്ട് തിരുനാളുകളും നമ്മുടെ ഹൃദയത്തെ സ്‌നേഹം കൊണ്ടും വിശ്വാസം കൊണ്ടും നിറയ്ക്കാൻ പ്രേരിപ്പിക്കുന്നുവെന്നും പാപ്പാ കൂട്ടിച്ചേർത്തു.
