2025 മെയ് എട്ടിന് തിരഞ്ഞെടുക്കപ്പെട്ട ദിവസം, ലെയോ പതിനാലാമൻ മാർപാപ്പ അഗസ്തീനിയൻ ക്രമവുമായി ബന്ധിപ്പിച്ചിരിക്കുന്ന വിശുദ്ധരുടെ തിരുശേഷിപ്പുകൾ അടങ്ങിയ ഒരു പെക്റ്ററൽ കുരിശ് ധരിച്ചിരുന്നു. വിശുദ്ധ അഗസ്റ്റിന്റെയും അദ്ദേഹത്തിന്റെ അമ്മ വിശുദ്ധ മോണിക്കയുടെയും തിരുശേഷിപ്പുകൾ ഈ കുരിശിൽ ഉണ്ട്. വിശ്വസ്തത, പരിഷ്കരണം, സേവനം, രക്തസാക്ഷിത്വം എന്നിവ പ്രതിഫലിപ്പിക്കുന്ന ജീവിതത്തിന്റെ സാക്ഷ്യമാണ് ഈ രണ്ടു വിശുദ്ധരും നൽകുന്നത്.
ലെയോ പതിനാലാമൻ മാർപാപ്പയുടെ അഗസ്തീനിയൻ പൈതൃകവുമായുള്ള ബന്ധവും അദ്ദേഹത്തിന്റെ ആത്മീയ യാത്രയിൽ ഈ തിരുശേഷിപ്പുകളുടെ പ്രാധാന്യവും പരസ്പരം ബന്ധപ്പെട്ടു കിടക്കുന്നു.
2023 സെപ്തംബർ 30-ന് കർദിനാൾ റോബർട്ട് പ്രിവോസ്റ്റിന് കർദിനാൾ പദവി ലഭിച്ചപ്പോൾ അഗസ്തീനിയൻ ജനറൽ കൂരിയ നൽകിയ സമ്മാനമായിരുന്നു ഈ പെക്റ്ററൽ കുരിശ്. അഗസ്തീനിയൻ ഓർഡറിന്റെ പോസ്റ്റുലേറ്റർ ജനറലായ ഫാ. ജോസഫ് സൈബെറസ്, അഗസ്തീനിയൻ സന്യാസ സഭയുടെ വിശുദ്ധിയുടെ പ്രധാന വശങ്ങളെ പ്രതിനിധീകരിക്കുന്ന തിരുശേഷിപ്പുകളാണ് തിരഞ്ഞെടുത്തത്. ഈ രണ്ടു വിശുദ്ധരോടൊപ്പം വില്ലനോവയിലെ തോമസ്, വാഴ്ത്തപ്പെട്ട അൻസെൽമോ പോളാൻകോ, വാഴ്ത്തപ്പെട്ട ജൂസെപ്പെ ബെർത്തലോമിയോ മെനോച്ചിയോ എന്നിവരുടെ തിരുശേഷിപ്പുകളും കുരിശിൽ അടങ്ങിയിരിക്കുന്നു. അവ ഓരോന്നും അഗസ്തീനിയൻ ആത്മീയതയുടെ സവിശേഷമായ വശങ്ങൾ പ്രതിഫലിപ്പിക്കുന്നു.
