മതസ്വാതന്ത്ര്യത്തിനെതിരായ ‘ആയുധമായി’ കോവിഡ് മഹാമാരിയെ ഉപയോഗിച്ചതായി വിദഗ്ധർ

മതസ്വാതന്ത്ര്യത്തിനായുള്ള മനുഷ്യന്റെ മൗലിക അവകാശത്തെ അടിച്ചമർത്തുവാൻ കോവിഡ് മഹാമാരിയെ ലോകമെമ്പാടുമുള്ള അധികാരികൾ ഉപകരണമാക്കി എന്ന് റിപ്പോർട്ട്. സ്പെയിനിലെ ഒബ്സർവേറ്ററി ഫോർ റിലീജിയസ് ഫ്രീഡം ആൻഡ് കൺസൈൻസ് (OLRC) തയ്യാറാക്കിയ റിപ്പോർട്ടിലാണ് ഈ വെളിപ്പെടുത്തൽ.

റിപ്പോർട്ടിൽ 195 കേസുകൾ ഉൾപ്പെടുത്തിയാണ് റിപ്പോർട്ട് തയ്യാറാക്കിയിരിക്കുന്നത്. 2019 നെ അപേക്ഷിച്ച് 2020 ൽ മതസ്വാതന്ത്ര്യത്തെ ഹനിക്കുന്ന പ്രവൃത്തികളിൽ 18.75% കുറവ് രേഖപ്പെടുത്തിയിട്ടുണ്ട്. എങ്കിലും കോവിഡ് മൂലം ഏർപ്പെടുത്തിയ മതസ്വാതന്ത്ര്യത്തിന് ഗുരുതരമായ ധാരാളം നിയന്ത്രങ്ങൾ ഉൾപ്പെടുത്തിയിട്ടുണ്ട്. കോവിഡ് പകർച്ചവ്യാധിക്ക് മുൻപും അതിനു ശേഷവും മതസ്വാതന്ത്ര്യത്തിനു നേരെയുള്ള അതിക്രമങ്ങളുടെ കണക്കെടുത്താൽ മഹാമാരിയുടെ കാലഘട്ടത്തിൽ ജനങ്ങളുടെ ആരാധന സ്വാതന്ത്ര്യത്തെ അടിച്ചമർത്തുവാൻ നടന്ന അതിക്രമങ്ങളിൽ 11% വർധനവാണ് കാണിക്കുന്നതെന്ന് റിപ്പോർട്ട് വെളിപ്പെടുത്തുന്നു.

മതസ്വാതന്ത്ര്യത്തെ അടിച്ചമർത്തുന്നതിനുള്ള പ്രവർത്തനങ്ങളിൽ ഏറ്റവും കൂടുതൽ ഇരകളായത് ക്രൈസ്തവരാണെന്നും മറ്റു മതന്യൂനപക്ഷങ്ങൾക്ക് നേരെ അടിച്ചമർത്തൽ ശ്രമങ്ങൾ നടന്നു എന്നും റിപ്പോർട്ട് വെളിപ്പെടുത്തുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.