മരിയുപോളിലെ കാരിത്താസ് ഓഫീസിനു നേരെ ആക്രമണം; ഏഴു പേർ കൊല്ലപ്പെട്ടു

ഉക്രൈനിലെ മരിയുപോൾ നഗരത്തിലെ കാരിത്താസ് ഓഫീസിനു നേരെ ഷെല്ലാക്രമണം. ഏപ്രിൽ 11- നു നടന്ന ആക്രമണത്തിൽ ഏഴു പേർ കൊല്ലപ്പെട്ടു.

“മരിയുപോളിലെ കാരിത്താസ് ഓഫീസിനു നേരെ ഷെല്ലാക്രമണം നടക്കുമ്പോൾ ഓഫീസിൽ നിരവധി ആളുകൾ ഉണ്ടായിരുന്നു. ആക്രമണത്തിൽ രണ്ട് വനിതാ ജീവനക്കാരുൾപ്പെടെ ഏഴു പേർ കൊല്ലപ്പെട്ടു” – കാരിത്താസ് സംഘടന ട്വിറ്ററിൽ കുറിച്ചു. ഉക്രൈനിലെ ലത്തീൻ കത്തോലിക്കാ ബിഷപ്പുമാരുടെ ചാരിറ്റബിൾ മിഷനായ കാരിത്താസ് – സ്പെസ് ആണ് ആക്രമണത്തെക്കുറിച്ചുള്ള വാർത്ത പുറത്തുവിട്ടത്. മരണപ്പെട്ടവരുടെ കുടുംബങ്ങൾക്ക് അനുശോചനവും അവർ അറിയിച്ചു.

തെക്കുകിഴക്കൻ ഉക്രൈനിലെ തുറമുഖ നഗരമാണ് മരിയുപോൾ. ഫെബ്രുവരി 24 -ന്, ഉക്രൈനിൽ റഷ്യൻ അധിനിവേശം തുടങ്ങിയ ദിവസം തന്നെ നഗരത്തിൽ റഷ്യൻ സൈന്യത്തിന്റെ ആക്രമണം നടന്നിരുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.