വിശുദ്ധ അൽഫോൻസാമ്മയുടെ തിരുനാളിന്റെ ഭാഗമായി ഭാരത ലിസ്യുവായ ഭരണങ്ങാനം ഇന്ന് വിശ്വാസ സാഗരമാകും. രാവിലെ 10.30 – ന് ഇടവക ദൈവാലയത്തിൽ സീറോ മലബാർ സഭാ മേജർ ആർച്ചുബിഷപ്പ് കർദ്ദിനാൾ മാർ ജോർജ് ആലഞ്ചേരി വിശുദ്ധ കുർബാന അർപ്പിച്ച് സന്ദേശം നൽകും.
പുലർച്ചെ 4.30 മുതൽ രാത്രി 9.30 വരെ തീർഥാടന കേന്ദ്രത്തിൽ തുടർച്ചയായി വിശുദ്ധ കുർബാന ഉണ്ടാകും. പന്ത്രണ്ടു മണിക്ക് പ്രദക്ഷിണം ഉണ്ടായിരിക്കും. വി. അൽഫോൻസാമ്മയുടെ കബറിടത്തിലെത്തുന്നവർക്ക് രാവിലെ ഏഴു മുതൽ നേർച്ചയപ്പം വിതരണം ചെയ്യും.
