ഉക്രൈനിൽ ദുരിതമനുഭവിക്കുന്നവരെ മറക്കരുത്: ഫ്രാൻസിസ് പാപ്പാ

ഉക്രൈനിൽ ദുരിതമനുഭവിക്കുന്നവരെ മറക്കരുതെന്നും അവർക്കു വേണ്ടി പ്രാർത്ഥിക്കുന്നത് തുടരണമെന്നും ഫ്രാൻസിസ് പാപ്പാ. ജൂൺ 15-ന് സെന്റ് പീറ്റേഴ്സ് ചത്വരത്തിൽ നടന്ന പൊതുസദസ്സിലാണ് പാപ്പാ ഇപ്രകാരം പറഞ്ഞത്.

ഉക്രൈനിൽ ദുരിതമനുഭവിക്കുന്നവരുടെ സമാധാനത്തിനുള്ള മാർപാപ്പായുടെ 56-ാമത്തെ അഭ്യർത്ഥനയാണിത്. “ഉക്രൈനിൽ യുദ്ധം മൂലം ദുരിതമനുഭവിക്കുന്ന ജനങ്ങളെ നാം മറക്കരുത്. യുദ്ധം നമ്മെ ബാധിക്കാത്ത ഒന്നായി കണ്ട് നാം നിഷ്ക്രിയരായിരിക്കുകയുമരുത്. നമ്മുടെ സ്നേഹവും കരുണയും പ്രാർത്ഥനയും സഹായവും ഉക്രൈൻ ജനതയ്ക്ക് ഇന്ന് വളരെ ആവശ്യമാണ്” – പാപ്പാ പറഞ്ഞു.

2022 ഫെബ്രുവരി 24-നാണ് ഉക്രൈനിൽ റഷ്യൻ അധിനിവേശം തുടങ്ങിയത്. സ്ത്രീകളും കുട്ടികളുമടക്കം ഏഴ് മില്യൺ ആളുകളാണ് ഇതിനോടകം ഉക്രൈനിൽ നിന്ന് പലായനം ചെയ്‌തിട്ടുള്ളത്‌.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.