സ്നേഹപാതയിലൂടെ മുന്നേറുക: സീറോമലബാർ യുവജനങ്ങളോട് മാർപാപ്പ

യേശുവിന്റെ സ്നേഹപാതയിലൂടെ മുന്നേറുക എന്ന ഉപദേശവുമായി സീറോമലബാർ യുവജന നേതൃസംഗമ പ്രതിനിധികളുമായി ഫ്രാന്‍സിസ് മാര്‍പാപ്പയുടെ അവിസ്മരണീയ കൂടിക്കാഴ്ച.

യേശുവിനെ അനുഗമിക്കുകയും മറിയത്തിന്റെ മാതൃകയില്‍ നിന്ന് പ്രചോദനം ഉള്‍ക്കൊണ്ടു ജീവിക്കുകയും ചെയ്യണമെന്നായിരുന്നു മാര്‍പാപ്പയുടെ ആഹ്വാനം. അത്ര എളുപ്പമല്ലെങ്കിലും ഈ വഴി ആവേശഭരിതവും നമ്മുടെ ജീവിതത്തെ അര്‍ത്ഥപൂര്‍ണ്ണമാക്കുന്നതുമാണ്. സേവനങ്ങളുടെയും ഉത്തരവാദിത്വങ്ങളുടെയും ജീവിതത്തോട് അനുകൂലമായും, ഉപരിപ്ലവവും സുഖലോലുപവുമായ ജീവിതത്തോട് പ്രതികൂലമായും പ്രതികരിക്കാനുള്ള ശക്തി യേശുവിനെ അനുഗമിക്കുന്നതിലൂടെ കൈവരുമെന്നും മാര്‍പാപ്പാ പറഞ്ഞു.

പ്രവാസികളായ സീറോമലബാര്‍ സഭാംഗങ്ങള്‍ എന്ന നിലയില്‍ മാര്‍ത്തോമ്മ ശ്ലീഹായുടെ രക്തസാക്ഷിത്വത്തിന്റെ 1950-ാം വര്‍ഷം ആചരിക്കുമ്പോള്‍ സഭയ്ക്ക് പ്രേഷിതപ്രവര്‍ത്തനത്തിനുള്ള ചുമതലയെക്കുറിച്ച് പുതുതായി ചിന്തിക്കണം.

ഇന്ത്യക്ക് വെളിയിലുള്ള സീറോമലബാര്‍ രൂപതകളിലെ യുവജനങ്ങളുടെ ഒരാഴ്ച നീണ്ടുനില്‍ക്കുന്ന നേതൃസംഗമത്തിന്റെ അവസരത്തിലാണ് മാര്‍പാപ്പ ഇന്നലെ അവര്‍ക്ക് പ്രത്യേക കൂടിക്കാഴ്ച അനുവദിച്ചത്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.