ആരോഗ്യപ്രശ്‌നങ്ങളെ തുടർന്ന് കോർപ്പൂസ് ക്രിസ്റ്റി തിരുനാൾ ദിനത്തിലെ തിരുക്കർമ്മങ്ങളിൽ ഫ്രാൻസിസ് മാർപാപ്പ അദ്ധ്യക്ഷനാകില്ല. ജൂൺ 13-ന് ഹോളി സീ പ്രസ്സ് ഓഫീസ് പുറത്തുവിട്ട പ്രസ്താവനയിലാണ് ഈ കാര്യം പറയുന്നത്.
കാലുവേദന മൂലം ആഫ്രിക്കയിലേക്കുള്ള അപ്പസ്തോലിക യാത്ര മാറ്റിവച്ചതിന് കഴിഞ്ഞ ദിവസം പാപ്പാ ക്ഷമ ചോദിച്ചിരുന്നു. ഡെമോക്രാറ്റിക് റിപ്പബ്ലിക് ഓഫ് കോംഗോയിലേക്കും സൗത്ത് സുഡാനിലേക്കുമുള്ള സന്ദർശനം എത്രയും വേഗം പുനഃക്രമീകരിക്കുമെന്നും ജൂൺ 12-ന് വത്തിക്കാനിൽ നടന്ന ആഞ്ചലൂസ് പ്രാർത്ഥനക്കു ശേഷം പാപ്പാ വാഗ്ദാനവും ചെയ്തു.
