മാർപാപ്പാ തെക്കേ ഇറ്റലിയിലെ മത്തേറയിലേക്ക് ഇന്ന് സന്ദർശനം നടത്തും. സെപ്റ്റംബർ 22-ന് ആരംഭിച്ച ഇരുപത്തിയേഴാം ദേശീയ ദിവ്യകാരുണ്യ കോൺഗ്രസിന് സമാപനം കുറിക്കുകയാണ് ഫ്രാൻസിസ് പാപ്പായുടെ ഈ അപ്പസ്തോലിക യാത്രയുടെ മുഖ്യലക്ഷ്യം.
“നമുക്ക് അപ്പത്തിന്റെ രുചിയിലേക്കു മടങ്ങാം – ദിവ്യകാരുണ്യ സഭയ്ക്കും സിനഡാത്മക സഭയ്ക്കും വേണ്ടി” എന്ന വിചിന്തനപ്രമേയം സ്വീകരിച്ചിരിക്കുന്ന ഈ ദിവ്യകാരുണ്യ കോൺഗ്രസിൽ ഇറ്റലിയിലെ 166 രൂപതകളിൽ നിന്നായി എണ്ണൂറോളം പ്രതിനിധികൾ പങ്കെടുക്കുന്നുണ്ട്. പ്രാദേശിക സമയം രാവിലെ ഒൻപതു മണിക്ക് പാപ്പാ ദിവ്യകാരുണ്യ കോൺഗ്രസിന്റെ സമാപനം കുറിക്കുന്ന ആഘോഷമായ സമൂഹ ദിവ്യബലിയിൽ മുഖ്യകാർമ്മിത്വം വഹിക്കും. ഉച്ചയ്ക്ക് പാപ്പാ വത്തിക്കാനിൽ തിരിച്ചെത്തും.
