കുടുംബത്തിലെ സ്നേഹത്തെക്കുറിച്ച് സംസാരിക്കുന്ന ‘റൂത്ത്’ എന്ന പുസ്തകം ബൈബിളിലെ രത്നമാണെന്ന് ഫ്രാൻസിസ് മാർപാപ്പ. ഏപ്രിൽ 27-ന് വത്തിക്കാനിൽ നടന്ന പൊതുസദസിലാണ് പാപ്പാ ഇപ്രകാരം പറഞ്ഞത്.
നവോമിയുടെയും റൂത്തിന്റെയും കഥയെ കേന്ദ്രീകരിച്ചുള്ള ഈ പുസ്തകം കുടുംബം നൽകുന്ന ഫലങ്ങളെക്കുറിച്ചുള്ള സാക്ഷ്യമാണെന്ന് പരിശുദ്ധ പിതാവ് പറഞ്ഞു. “അമ്മായിയമ്മയെ എപ്പോഴും നെഗറ്റീവ് കഥാപാത്രമായിട്ടാണ് പലരും കാണുന്നത്. എന്നാൽ അവർ നിങ്ങളുടെ ഭർത്താവിന്റെയും നിങ്ങളുടെയും അമ്മയാണ്. അവരെ കൊച്ചുമക്കളുമായി ഇടപഴകാൻ അനുവദിക്കണം. അതവർക്ക് പുതുജീവൻ നൽകുന്നു”- പാപ്പാ പറഞ്ഞു. അമ്മായിയമ്മമാർ എപ്പോഴും തങ്ങളുടെ നാവിന്റെ ഉപയോഗത്തെക്കുറിച്ച് ബോധവതികളായിരിക്കണമെന്നും പാപ്പാ കൂട്ടിച്ചേർത്തു.
