കുടിയേറ്റക്കാരായ യുവജനങ്ങൾക്ക് ഗവേഷണം, വിദ്യാഭ്യാസം, സാമൂഹിക ഉന്നമനം എന്നിവ മികച്ച രീതിയിൽ ലഭ്യമാക്കുന്നതിന് ആഹ്വാനം ചെയ്ത് ഫ്രാൻസിസ് പാപ്പാ. സെപ്റ്റംബർ 29-ന് റോമിലെ പൊന്തിഫിക്കൽ ഗ്രിഗോറിയൻ യൂണിവേഴ്‌സിറ്റിയിൽ നടന്ന ‘അഭയാർത്ഥികളുടെയും കുടിയേറ്റക്കാരുടെയും വിദ്യാഭ്യാസത്തിനായുള്ള മുൻകൈകൾ’ എന്ന കോൺഗ്രസിൽ പങ്കെടുത്തവരെ വത്തിക്കാനിൽ സ്വീകരിച്ചപ്പോഴാണ് പരിശുദ്ധ പിതാവ് ഇപ്രകാരം പറഞ്ഞത്.
“കുടിയേറ്റക്കാരെ സ്വാഗതം ചെയ്താൽ മാത്രം പോരാ, അവരെ അനുഗമിക്കുകയും പ്രോത്സാഹിപ്പിക്കുകയും സമന്വയിപ്പിക്കുകയും വേണം. ഏറ്റവും ദുർബലരായവർക്ക് മുൻഗണന നൽകുന്നത് തുടരണം. ‘വിദൂര വിദ്യാഭ്യാസ കോഴ്‌സുകൾ’ സംഘടിപ്പിക്കുന്നതിനും സ്കോളർഷിപ്പുകൾ നൽകുന്നതിനും അന്താരാഷ്ട്ര അക്കാദമിക് ശൃംഖല പ്രയോജനപ്പെടുത്തണം. കാരണം സർവ്വകലാശാലകളും അവരും കുടിയേറ്റക്കാരുടെയും അഭയാർത്ഥികളുടെയും യോഗ്യതകളും പ്രൊഫഷണൽ വൈദഗ്ധ്യവും തിരിച്ചറിയാൻ അവർക്കും ആതിഥേയരായ സമൂഹങ്ങൾക്കും പ്രയോജനപ്പെടുത്താൻ കഴിയും” – പാപ്പാ വ്യക്‌തമാക്കി.
സ്കൂളുകളും സർവ്വകലാശാലകളും അധ്യാപനത്തിനു മാത്രമല്ല, യോഗത്തിനും സംയോജനത്തിനും വേണ്ടിയുള്ള പ്രത്യേക ഇടങ്ങളാണ് എന്ന് മാർപാപ്പ കൂട്ടിച്ചേർത്തു.
അഭയാർത്ഥികളുടെ വിദ്യാഭ്യാസം പ്രോത്സാഹിപ്പിക്കുന്നതിനുള്ള പരിപാടികൾ ആരംഭിക്കുന്നതിനായുള്ള ശ്രമങ്ങൾക്ക് മാർപാപ്പ നന്ദി പറയുകയും ചെയ്തു.
