ആരോഗ്യ പ്രശ്നങ്ങൾ മൂലം ജൂലൈയിൽ ആഫ്രിക്കയിലേക്ക് നടത്താനിരുന്ന അപ്പസ്തോലിക യാത്ര മാറ്റിവച്ച് ഫ്രാൻസിസ് പാപ്പാ. ജൂൺ പത്തിന് വത്തിക്കാനാണ് ഈ വാർത്ത പുറത്തുവിട്ടത്.
“കാൽമുട്ടിന് ചികിത്സകൾക്ക് വിധേയനാകുന്ന മാർപാപ്പ തന്റെ ഡോക്ടർമാരുടെ അഭ്യർത്ഥനയെ മാനിച്ച്, ഡെമോക്രാറ്റിക് റിപ്പബ്ലിക് ഓഫ് കോംഗോയിലേക്കും സൗത്ത് സുഡാനിലേക്കുമുള്ള തന്റെ അപ്പസ്തോലിക യാത്ര മാറ്റിവയ്ക്കാൻ തീരുമാനിച്ചിരിക്കുകയാണ്”- വത്തിക്കാൻ വക്താവായ മത്തിയോ ഭ്രൂണി പറഞ്ഞു. ജൂലൈ രണ്ട് മുതൽ ഏഴ് വരെയാണ് ആഫ്രിക്കയിലേക്കുള്ള യാത്ര പാപ്പാ നിശ്ചയിച്ചിരുന്നത്. ജൂലൈ 24 മുതൽ 29 വരെ പാപ്പാ കാനഡയിലേക്ക് നടത്താനിരിക്കുന്ന യാത്ര ഇതുവരെ പിൻവലിച്ചിട്ടില്ല.
