2025 മെയ് 12-ന് ഏകദേശം 6,000 മാധ്യമ പ്രവർത്തകർക്ക് നൽകിയ ഒരു സദസ്സിന്റെ അവസാനമാണ് ലെയോ പതിനാലാമൻ മാർപാപ്പ തുർക്കി സന്ദർശിക്കാൻ തയ്യാറെടുക്കുകയാണെന്ന് വെളിപ്പെടുത്തിയത്. മാധ്യമപ്രവർത്തകരുമായുള്ള ഹ്രസ്വ സംഭാഷണങ്ങളിൽ, നിഖ്യാ കൗൺസിലിന്റെ 1,700-ാം വാർഷികത്തോടനുബന്ധിച്ച് തുർക്കിയിലേക്ക് ഒരു യാത്രയ്ക്ക് തയ്യാറെടുക്കുകയാണെന്ന് ലെയോ പതിനാലാമൻ മാർപാപ്പ വെളിപ്പെടുത്തി.
നിഖ്യാ കൗൺസിലിന്റെ 1,700-ാം വാർഷികം ആഘോഷവുമായി ബന്ധപ്പെട്ട് തുർക്കി സന്ദർശിക്കുന്നതിനെക്കുറിച്ച് ഓർത്തഡോക്സ് പാത്രിയാർക്കീസ് ബർത്തലോമിയോയും ഫ്രാൻസിസ് മാർപാപ്പയും പലതവണ പറഞ്ഞിരുന്നു. ഈ വർഷം നിഖ്യാ കൗൺസിലിന്റെ 1,700-ാം വാർഷികവും ഓർത്തഡോക്സ് പാത്രിയാർക്കീസ് ബർത്തലോമിയോയ്‌ക്കൊപ്പം കൗൺസിൽ സ്ഥലത്തേക്കുള്ള ഫ്രാൻസിസ് പാപ്പയുടെ ആഗ്രഹത്തെക്കുറിച്ചും ഒരു ഇറ്റാലിയൻ പത്രപ്രവർത്തകൻ അദ്ദേഹത്തെ ഓർമ്മിപ്പിച്ചു. അതിനു മറുപടിയായി പാപ്പ പറഞ്ഞു, “എനിക്കറിയാം, ഞങ്ങൾ അതിനായി തയ്യാറെടുക്കുകയാണ്.”
ശക്തമായ ക്രിസ്തീയ ഐക്യമാനം ഉൾക്കൊള്ളുന്ന ഈ യാത്ര, ഫ്രാൻസിസ് മാർപാപ്പയുടെ മരണത്തിന് മുമ്പ് ആസൂത്രണം ചെയ്ത പദ്ധതികളിൽ ഒന്നായിരുന്നു. ക്രിസ്തീയ വിശ്വാസപ്രഖ്യാപനമായ ‘നിഖ്യാ വിശ്വാസപ്രമാണം’ സ്ഥാപിച്ച നിഖ്യാ കൗൺസിൽ 325 മെയ് 24 ന് ആരംഭിച്ചു.
