ഉക്രൈനിൽ നിന്നും മിസൈൽ ആക്രമണങ്ങളെക്കുറിച്ചുള്ള വാർത്തകളിൽ ആശങ്ക രേഖപ്പെടുത്തി ഫ്രാൻസിസ് മാർപാപ്പ. നവംബർ 16- ന് ഫ്രാൻസിസ് മാർപാപ്പ ഉക്രൈനിൽ സമാധാനത്തിനായി വീണ്ടും അഭ്യർത്ഥിച്ചു.
ഉക്രൈനു നേരെയുള്ള പുതിയതും തീവ്രവുമായ മിസൈൽ ആക്രമണത്തെക്കുറിച്ചുള്ള വാർത്തകൾ ഞാൻ ദുഃഖത്തോടെയും ഉത്കണ്ഠയോടെയുമാണ് മനസിലാക്കുന്നത്. യുദ്ധം നിരവധി സാധാരണക്കാരുടെ അടിസ്ഥാനസൗകര്യങ്ങൾ പോലും നശിക്കുന്നതിനും മരണത്തിനും കാരണമായി.
“യുദ്ധം വേണമെന്നു ശഠിക്കുന്നവരുടെ ഹൃദയങ്ങളെ കർത്താവ് പരിവർത്തനം ചെയ്യുകയും ഉക്രൈനിൽ സമാധാനത്തിനുള്ള ആഗ്രഹം നിലനിറുത്തുകയും ചെയ്യട്ടെ എന്ന് നമുക്ക് പ്രാർത്ഥിക്കാം” – പാപ്പാ പ്രാർത്ഥിച്ചു.