കാലുവേദനയെ തുടർന്ന് ഇരുന്നുകൊണ്ട് സന്ദേശം നൽകി പാപ്പാ. 2022 ജനുവരി 17 -ന് ഹോളി ലാൻഡ് മാഗസിൻ പ്രതിനിധി സംഘത്തോട് സംസാരിക്കവെയാണ് പാപ്പാ ഇരുന്നുകൊണ്ട് സന്ദേശം നൽകിയത്. തന്റെ പ്രസംഗം ഇരുന്നുകൊണ്ട് വായിക്കാൻ തീരുമാനിച്ച പാപ്പാ, എഴുന്നേറ്റു നിൽക്കാൻ സാധിക്കാത്തതിന് അതിഥികളോട് ക്ഷമാപണവും നടത്തി.
പാപ്പായുടെ ഇടുപ്പിന് സ്ഥിരമായ ആരോഗ്യപ്രശ്‌നങ്ങളും നടക്കാൻ ചില ബുദ്ധിമുട്ടുകളുമുണ്ട്. 2015 -ൽ, യുണൈറ്റഡ് സ്റ്റേറ്റ്സിലേക്കുള്ള പാപ്പായുടെ യാത്രയുടെ അവസരത്തിൽ അദ്ദേഹത്തിന്റെ കാലുകൾക്ക് ചില ബുദ്ധിമുട്ടുകളുണ്ടായി. പതിവായുള്ള പാപ്പായുടെ ഫിസിയോതെറാപ്പി സെഷനുകളിൽ നിന്ന് പ്രയോജനം ലഭിക്കുമെന്നാണ് അദ്ദേഹത്തിന്റെ വക്താവ് പറയുന്നത്. സയാറ്റിക്ക എന്ന രോഗം മൂലമാണ് പാപ്പായ്ക്ക് ചിലപ്പോഴൊക്കെ തളർച്ച ഉണ്ടാകുന്നത്.
